زارارسىزداندىرۋ جۇمىستارىنا جەكە قورعانىش كوستيۋمدەرىن كيگەن 50-گە جۋىق اسكەري قىزمەتشى جۇمىلدىرىلىپ, ولار 7 مىڭ تەكشە مەتر «رۋبەج» ەرىتىندىنى بۇركىپ, كوشەنى دەزينفەكتسيادان وتكىزدى.
دەزينفەكتسيالاناتىن جەرلەرمەن الدىمەن داۋىس زورايتقىشى بار ارنايى اۆتوكولىك ءجۇرىپ ءوتىپ, جۇمىستىڭ باستالعانى تۋرالى حابارلاپ وتىردى.
– قاراعاندىدا كەڭ كولەمدە دەزينفەكتسيا جۇمىستارى جۇرگىزىلىپ جاتىر. ەگەر ءسىزدىڭ ءۇيىڭىزدىڭ جانىنان وسىنداي كولىك ءجۇرىپ وتسە, وندا تەرەزەلەر مەن بالكونداردى 5 ساعاتقا جابىڭىزدار, – دەپ حابارلادى Senim 109 قىزمەتى.
اتالعان جۇمىستار جۇرگىزىلگەن جەرلەردەن ۋاقىتشا بولسا دا اۋلاق بولعان ءجون جانە مۇمكىندىگىنشە كوشەگە شىقپاي, بالالاردى دا قاراۋسىز قالدىرماۋ كەرەك ەكەندىگى ەسكەرتىلدى.
قاراعاندى وبلىسى
