جاسۇلان ماديەۆ ەلىمىزدە توتەنشە جاعداي كەزىندە مەملەكەت باسشىسىنىڭ تاپسىرماسى بويىنشا جەدەل شارالار ازىرلەنىپ وتىرعانىن, اتالعان جۇمىس شەڭبەرىندە ەكى باعدارلاماعا سəيكەس سوڭعى قارىز الۋشى ءۇشىن سىياقى مولشەرلەمەسى بىرىزدەندىرىلگەنىن جەتكىزدى. ەندى اتالعان باعدارلاما بويىنشا نەسيە مولشەرلەمەسى 6%-تەن اسپايدى.
«بجك 2025» باعدارلاماسى بويىنشا بيزنەس جوبالارىن كەڭىنەن قامتۋ ءۇشىن سالالىق شەكتەۋلەر الىنىپ تاستالدى.
ءبىر كاسىپكەردى كرەديتتىك قولداۋ مولشەرى 7 ملرد تەڭگەگە ارتتى (2,5 ملرد. تەنگەدەن).
باعدارلاما شەڭبەرىندە اينالىم قاراجاتىن تولىقتىرۋ 500 ملن تەڭگەگە ارتىپ, (60 ملن. تەڭگەدەن) تولتىرىلعان تۇردە بەرىلەدى. بۇل رەتتە ساۋدا قىزمەتى سۋبەكتىلەرىنىڭ اينالىم قاراجاتىن تولىقتىرۋ 100 ملن تەڭگەگە جەتەدى.
«قاراپايىم زاتتار ەكونوميكاسى» باعدارلاماسىمەن جوبالاردى قارجىلاندىرۋ ءۇشىن جالپى نەسيەلەۋ كولەمى 400 ملرد تەڭگەگە, ياعني 1 ترلن تەڭگەگە ارتتى. بۇل سومادان 700 ملرد تەڭگە اوك قايتا وڭدەۋ مەن وندىرۋگە, 300 ملرد تەڭگە وڭدەۋشى ونەركاسىپ پەن قىزمەت كورسەتۋ سالاسىنا باعىتتالادى.
سونىمەن بىرگە مەملەكەت باسشىسىنىڭ تاپسىرماسى بويىنشا 100 ملرد تەڭگە كوكتەمگى ەگىس جۇمىستارىنا جىبەرىلەدى.
ءمادي تاكيەۆتىڭ ايتۋىنشا, مەملەكەت باسشىسىنىڭ «ەكونوميكانى تۇراقتاندىرۋ جونىندەگى ودان ارعى شارالار تۋرالى» جارلىعىنا سايكەس, بيزنەستى قولداۋ ءۇشىن سالىقتىق ىنتالاندىرۋ جاسالدى. ول ساۋدا سالاسىنان باستاپ, تۋريستىك بيزنەسكە دەيىنگى ەكونوميكانىڭ ءتۇرلى سالالارىن قامتيدى.
ماسەلەن, جىل سوڭىنا دەيىن, م ۇلىك سالىعىنان مىنالار بوساتىلدى:
-ء ىرى ساۋدا نىساندارى, ساۋدا-ويىن-ساۋىق ورتالىقتارى, كينوزالدار, تەتارلار, كورمەلەر مەن سپورتتىق نىساندار,
- قوعامدىق تاماقتاندىرۋ, قوناقۇي جانە تۋريستىك قىزمەت سالاسىنداعى سالىق تولەۋشىلەر.
بۇدان باسقا, سالىق سالۋدىڭ جالپىعا ورتاقى تارتىبىمەن جۇمىس ىستەيتىن جەكە كاسىپكەرلەر جىل سوڭىنا دەيىن جەكە تابىس سالىعىنان بوساتىلدى. اگروونەركاسىپتىك كەشەندى قولداۋ ماقساتىندا ءمۇيىزدى ءىرى قارا مال جانە اسىل تۇقىمدى بالاپان وسىرەتىن اوك بيولوگيالىق اكتيۆتەر يمپورتىنا ققس سالىنبايدى.سونداي-اق اۋىل شارۋاشىلىعى ءونىمىن وندىرۋشىلەر جىل سوڭىنا دەيىن اۋىل شارۋاشىلىعى ماقساتىنداعى جەرلەر ءۇشىن سالىق تولەمەيدى. ءبىر مەزگىلدە, الەۋمەتتىك ماڭىزى بار ازىق-ت ۇلىك تاۋارلارىنىڭ ققس مولشەرلەمەسى 1 قازانعا دەيىن 12%-تەن 8%-كە ازايتىلدى.
سالىقتىق اكىمشىلىەندىرۋ بويىنشا:
1. 2020 جىلعى 1 ماۋسىمعا دەيىن شوب سۋبەكتىلەرى ءۇشىن بارلىق سالىقتار مەن مىندەتتى تولەمدەردى جانە بيۋدجەتكە مىندەتتى تولەمدەر مەن الەۋمەتتىك جارنالاردى تولەۋ مەرزىمى كەيىنگە شەگەرىلىپ (جتس, الەۋمەتتىك سالىق, جۇمىسشىعا تولەنەتىن الەۋمەتتىك جانە مەديتسينالىق ساقتاندىرۋ), سالىق, كەدەن جانە الەۋمەتتىك تولەمدەر بويىنشا سالىقتىق تەكسەرۋلەر مەن قارىزداردى ماجبۇرلەمەلى ءوندىرۋ توقتاتىلادى.بيزنەسكە فيسكالدىق قىسىمدى تومەندەتۋ ماقساتىندا توتەنشە جاعداي كەزىندە سالىقتىق تەكسەرۋلەر توقتالدى.
«سونىمەن بىرگە, مەملەكەت باسشىسى 2020 جىلعى 31 ناۋرىزداعى مالىمدەمەسىندە, ا.ج. 1 ساۋىردەن 1 قازانعا دەيىن, ساۋدا نىساندارى, قوعامدىق تاماقتاندىرۋ ورتالىقتارى, قوناقۇي بيزنەسى, كولىك جانە كونسۋلتاتسيالىق قىزمەتتەر, ءىت سەكىلدى ەكونوميكانىڭ نەعۇرلىم زارداپ شەككەن سالالارىن سالىقتان جانە ەڭبەكاقى تولەۋ قورىنىڭ الەۋمەتتىك تولەمدەرىنەن بوساتۋدى تاپسىردى, - دەدى ءمادي تاكيەۆ.
توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا جەڭىلدىكتەر قولدانىلاتىن قىزمەت تۇرلەرىنىڭ تىزبەسىن بەكىتەدى.
«جاقىن ارالىقتا سالىقتان جانە ەتق-نىڭ باسقا دا تولەمدەرىنەن بوساتىلاتىن بارلىق قىزمەت تۇرلەرى كورسەتىلگەن ۇكىمەت قاۋلىسى شىعادى», - دەدى ۇلتتىق ەكونوميكا ۆيتسە-ءمينيسترى.
