كەشە تۇندە دەنساۋلىق ساقتاۋ مينيسترلىگى شىعىس قازاقستاننىڭ ءبىر تۇرعىنى كوروناۆيرۋس ينفەكتسياسىن جۇقتىرعانىن حابارلاعان بولاتىن. بۇگىن وبلىستىق دەنساۋلىق ساقتاۋ باسقارماسىنىڭ باسشىسى ءىلياس مۇحامەدجان دەرەكتى راستاپ, ىندەتكە شالدىققان وسكەمەن قالاسىنىڭ 1938 جىلى تۋعان تۇرعىنى, ايەل ادام ەكەنىن ايتتى. «ناۋقاس دارىگەرلەر كومەگىنە 1 ءساۋىر كۇنى جۇگىنگەن. اۋرۋحاناعا جەتكىزە سالىسىمەن ناۋقاسقا رەنتگەنولوگيالىق زەرتتەۋلەر جاسالىپ, «پنەۆمونيا» دياگنوزى قويىلدى. ارنايى الگوريتمدەرگە سايكەس ءبىز پنەۆمونياعا شالدىققان پاتسيەنتتەرگە كوروناۆيرۋسقا قاتىستى تەست جاساۋعا مىندەتتىمىز. تەست وڭ ناتيجە كورسەتتى. قازىر ناۋقاسپەن جاقىن قاتىناستا بولعان 198 ادام انىقتالدى. ولاردىڭ بارلىعى وقشاۋلاندى. پالاتادا بىرگە جاتقان 4 ادامنىڭ ۇشەۋىنەن اۋرۋ بەلگىلەرى تابىلعان جوق, ءتورتىنشىسىن ءالى تەكسەرىپ جاتىرمىز. تاعى ءبىر ايتارىمىز, كوروناۆيرۋس جۇقتىرعان ناۋقاس قاڭتار ايىندا رەسەي فەدەراتسياسىنا بارىپ قايتقان» دەيدى باسقارما باسشىسى.
بۇل – وبلىس اۋماعىندا تىركەلىپ وتىرعان ءۇشىنشى ناۋقاس. ايتا كەتەيىك, بۇعان دەيىن سەمەي قالاسىنىڭ ەكى تۇرعىنىنىڭ ىندەتتى جۇقتىرعانى انىقتالعان بولاتىن.
وسكەمەن
