رەسەيدىڭ بىرقاتار بۇقارالىق اقپارات قۇرالدارىنىڭ مالىمدەۋلەرىنشە, ايگىلى ءانشى اللا پۋگاچەۆا مەن بەلگىلى پاروديست ماكسيم گالكين بىرگە تۇرۋلارىن توقتاتقان سياقتى. بۇل تۋرالى «7 دنەي.رۋ» حابارلادى.
ماسەلە مىنادا, بۇدان ءبىرشاما ۋاقىت بۇرىن پريمادوننا مەن گالكيننىڭ اراسىندا ايتارلىقتاي كيكىلجىڭ تۋعان كورىنەدى. بۇعان ماكسيمنىڭ سىرت جەردە جاساعان «ماحاببات ماشاقاتتارى» سەبەپ بولىپتى. ول وسى «امۋرلىق قارىم-قاتىناستارىن» جاسىرا دا قويماپتى.
جۋرناليستەر ماۋسىم ايىندا اللا بوريسوۆنانىڭ وتە باسەڭ كوڭىل-كۇيمەن وتەلدەن شىعىپ كەلە جاتقانىن كورىپ قالادى. بىراق ايگىلى ءانشى ءوزىنىڭ ماكسيممەن ارا قاتىناسى, ونىڭ كوزىنە ءشوپ سالعانى تۋرالى ايتۋدان باس تارتىپتى.
قاۋەسەتتەرگە قاراعاندا, پريمادوننا سول كەزدەرى ماكستىڭ حاركوۆتەن كەلگەن جاس مودەلمەن وسى مەيمانحانادا جاتقانىن ءبىلىپ قويعانعا ۇقسايدى. وسىنىڭ ناتيجەسىندە جۇلدىزدى جۇپ جان-جاققا تاراپ كەتىپتى.
مۇرات ايتقوجا.
