اقتوبە وبلىسىندا قولعا الىنىپ جاتقان ءىرى ينۆەستيتسيالىق-يننوۆاتسيالىق جوبالاردىڭ ىشىندە اقتوبە رەلس زاۋىتىنىڭ قۇرىلىسى قارقىندى جۇرگىزىلۋدە. جاقىندا وسى قۇرىلىس الاڭىندا بولعان «قازاقستان تەمىر جولى» اق پرەزيدەنتى اسقار مامين جۇمىس بارىسىنا ريزا بولدى. مەردىگەر كومپانيالار اۋا رايىنىڭ جاۋىن-شاشىندى بولعانىنا قاراماستان قۇرىلىس جۇمىستارىندا كىدىرىس بولدىرماۋدا. بۇل نىسان وبلىستىڭ ەكونوميكاسىنا سەرپىن بەرەتىن جوبا رەتىندە جەرگىلىكتى بيلىكتىڭ دە قاتاڭ قاداعالاۋىندا تۇرعانى شىندىق. سەبەبى, ەلدىڭ كۇرەتامىرى ىسپەتتى تەمىر جولعا قاجەتتى رەلس شىعاراتىن بۇل كاسىپورىننىڭ ماڭىزى زور ءارى ەلىمىزدە بىرەۋ عانا سىڭايلى.
اقتوبە وبلىسىندا قولعا الىنىپ جاتقان ءىرى ينۆەستيتسيالىق-يننوۆاتسيالىق جوبالاردىڭ ىشىندە اقتوبە رەلس زاۋىتىنىڭ قۇرىلىسى قارقىندى جۇرگىزىلۋدە. جاقىندا وسى قۇرىلىس الاڭىندا بولعان «قازاقستان تەمىر جولى» اق پرەزيدەنتى اسقار مامين جۇمىس بارىسىنا ريزا بولدى. مەردىگەر كومپانيالار اۋا رايىنىڭ جاۋىن-شاشىندى بولعانىنا قاراماستان قۇرىلىس جۇمىستارىندا كىدىرىس بولدىرماۋدا. بۇل نىسان وبلىستىڭ ەكونوميكاسىنا سەرپىن بەرەتىن جوبا رەتىندە جەرگىلىكتى بيلىكتىڭ دە قاتاڭ قاداعالاۋىندا تۇرعانى شىندىق. سەبەبى, ەلدىڭ كۇرەتامىرى ىسپەتتى تەمىر جولعا قاجەتتى رەلس شىعاراتىن بۇل كاسىپورىننىڭ ماڭىزى زور ءارى ەلىمىزدە بىرەۋ عانا سىڭايلى.
يتاليانىڭالەمگەتانىمال «Siemens-VAI» كومپانياسىمەن «قازاقستانتەمىرجولى» ۇلتتىقكومپانياسى» اقبىرلەسىپقولعاالعانبۇلجوبانىڭجالپىقۇنى 55 ميللياردتەڭگەتۇرادى. قازاقستان ەكونوميكاسىنا سەرپىن بەرەتىن بىرەگەي جوبا – رەلس زاۋىتىنىڭ قۇرىلىسى باستالعالى جۇمىستا كادىمگىدەي قارقىن بايقالادى. مۇنىڭ ءوزى ينۆەستورلاردىڭ قانشالىقتى ىقىلاستى ەكەنىن كورسەتسە كەرەك. جاقىندا وسىندا بولعان وبلىس اكىمى ارحيمەد مۇحامبەتوۆ زاۋىت قۇرىلىسىنىڭ وسىنشالىقتى قارقىندى جۇرگىزىلۋى ۋاقىت تالابى ەكەنىن ايتا كەلىپ, وڭىردە ەكونوميكالىق ىلگەرىلەۋگە ۇلكەن ىرگەتاس قالانىپ وتىرعانىن العا تارتتى.
قازىر ءوندىرىس ورنى ىرگە تەبەتىن الاڭدا جەر جۇمىستارى اياقتالىپ كەلەدى, كاسىپورىننىڭ ىرگەتاسى قۇيىلىپ بولدى. زاۋىت پايدالانۋعا بەرىلگەندە جىلىنا 430 مىڭ توننا سورتتى رەلس شىعارىلادى. ەۋروپا مەن ازيانىڭ قاق ورتاسىندا تۇرعاندىعى جانە ايماقتا ءىرى ونەركاسىپ ورىندارىنىڭ شوعىرلانۋى دا ەسەپكە الىنعانى كورىنىپ تۇر. جوبانى جۇزەگە اسىرۋ مەرزىمى وتە قىسقا, مۇنىڭ ءوزى كاسىپورىن قۇرىلىسىن جۇرگىزۋشىلەرگە ۇلكەن جاۋاپكەرشىلىك جۇكتەيدى. بۇل زاۋىت 2014 جىلدىڭ شىلدە ايىندا پايدالانۋعا بەرىلەدى دەپ كۇتىلۋدە. ءسويتىپ, ءبىر جىل ىشىندە وبلىس ورتالىعىنان مارتوككە شىعار جولدىڭ بويىندا تاعى ءبىر ءىرى ءوندىرىس ورنى ىسكە قوسىلماقشى. زاۋىتتىڭ باستاماشىلارىنىڭ ءبىرى – «ترانسپورتتىق تەحنولوگيا» جشس جوبانى جۇزەگە اسىرۋعا ىنتالى بولىپ وتىر. قازىردىڭ وزىندە قازاقستاننىڭ دامۋ بانكى جوبا قۇجاتتارىن قاراپ, نەسيەلىك تۇجىرىم بەرگەن. اتالمىش بانك قاجەتتى قارجىنىڭ 70 پايىزىن نەسيەلەيدى, ال, قالعانىن قازاقستان تەمىر جولى مەن جەكە ينۆەستورلار قارجىلاندىرادى. يندۋستريالاندىرۋ كارتاسىنا سايكەس جاقىن كۇندەرى جوبانىڭ ينفراقۇرىلىمدىق جەلىلەرى جاراقتاندىرىلادى. ياعني گاز, سۋ, زاۋىتتىڭ تەمىر جول ارقىلى وتەتىن اۆتوجولى, ەلەكتر جەلىسى وسى باعدارلاما اياسىندا جۇرگىزىلەتىن بولادى. زاۋىتقا 39-ىنشى قىزعالداقتى رازەزىنەن تەمىر جول تارتۋ قاراستىرىلعان.
يتاليانىڭ «Siemens-VAI» كومپانياسى جابدىقتاردى جەتكىزىپ, ءوز تەحنولوگيالارىن وندىرىسكە ورناتىپ قانا قويمايدى, قوندىرعىلاردى قۇرۋ جانە قۇرىلىس جۇمىستارىنىڭ دۇرىس جۇرگىزىلۋىنە باقىلاۋ جاسايدى. زاۋىتتىڭ باس كورپۋسىن تەحنولوگيالىق جاراقتاندىرۋ, پروكاتتىق قوندىرعىلاردى جاساقتاۋ, ىسكە قوسۋ-رەتتەۋ جۇمىستارىن يتاليالىق ماماندار جۇزەگە اسىرادى. باس مەردىگەر – «سويۋزكومپلەكت» قازاقستان-ۋكراينا بىرلەسكەن كاسىپورنى دا ءوز تاراپىنان اتقارىلاتىن جۇمىستاردىڭ ۋاقتىلى جانە ساپالى بولاتىنىنا كەپىلدىك بەرىپ وتىر. جوبانى جۇزەگە اسىرۋعا قاتىساتىن رەسەيلىك «پروكاتمونتاج» فيرماسىنىڭ يتاليالىقتارمەن جۇمىس جاساۋدا بۇرىننان قالىپتاسقان تاجىريبەسى بار ەكەن.
وڭىردە بىرنەشە ينۆەستيتسيالىق-يننوۆاتسيالىق جوبالار جۇزەگە اسۋدا. سونىڭ ىشىندە, كۇننەن كۇنگە جان-جاعى جيناقتالىپ, جۇمىسى جۇيەلەنىپ قالعان رەلس زاۋىتىنىڭ تاياۋ ۋاقىتتا پايدالانۋعا بەرىلەتىنىنە قازىرگى جۇمىس قارقىنى سەندىرە تۇسەدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
