«قىستىڭ قامىن جاز ويلا» دەمەكشى, بۇگىندە كەنتاۋ قالاسىندا قىسقا دايىندىق جۇمىستارى جۇرگىزىلىپ جاتىر. كوپ قاباتتى تۇرعىن ۇيلەردىڭ قۇبىرلارىن, ماگيسترالدى جۇيەلەردى, ىشكى ورامدى قىسىممەن شايۋ, تازالاۋ ىستەرى اتقارىلدى.
«قىستىڭ قامىن جاز ويلا» دەمەكشى, بۇگىندە كەنتاۋ قالاسىندا قىسقا دايىندىق جۇمىستارى جۇرگىزىلىپ جاتىر. كوپ قاباتتى تۇرعىن ۇيلەردىڭ قۇبىرلارىن, ماگيسترالدى جۇيەلەردى, ىشكى ورامدى قىسىممەن شايۋ, تازالاۋ ىستەرى اتقارىلدى.
جىلۋ ماۋسىمى بىتكەنەن كەيىن دايىندىق جۇمىستارىن باستاعان بولاتىنبىز. قازاندىقتاردى, تۋربينالاردى ءوز كۇشىمىزبەن جوندەپ الدىق. الداعى ۋاقىتتا ءبىر سالالى قالالاردى دامىتۋ باعدارلاماسى بويىنشا ماگيسترالدى قۇبىرلار اۋىستىرىلادى. ول جۇمىستاردى ءبىرىنشى قازانعا دەيىن تولىق بىتىرەمىز. قاتتى وتىن مەن سۇيىق وتىننىڭ ماسەلەلەرىن شەشۋ جولدارىن قاراستىرىپ جاتىرمىز, دەيدى №5 جىلۋ-ەنەرگيا ورتالىعىنىڭ ديرەكتورى قابىلبەك كۇمىسبەكوۆ.
ورتالىقتاعى قۇبىرلار اراسىنا تولىپ قالعان كۇلدەر الىنىپ, بۇراندالار مەن قۇرىلعىلاردىڭ جارامسىزدارى اۋىستىرىلۋدا. ماماندار ترانسفورماتورلار مەن تۋربينالاردى قايتا جاراقتاپ جاتىر. وتكەن جىلى ورتالىقتا بەس قازاندىق جۇمىس ىستەگەن بولاتىن. بيىل جەو بيۋدجەتى ەسەبىنەن سەگىزىنشى قازاندىق جوندەلۋدە.
حيميا-لابوراتوريالىق بولمەلەر كۇردەلى جوندەۋدەن وتكەن. ەندىگى جەردە قاتتى وتىننىڭ سىنامالارى الىنىپ, ساپاسىن انىقتاۋعا تولىق مۇمكىندىك بار. كۇردەلى جوندەۋدەن وتكەن اسحانا دا جۇمىسشىلارعا ساپالى اس ءمازىرىن ۇسىنۋعا ءازىر.
قايرات زاينيشەۆ.
كەنتاۋ.
