اقجايىق اۋدانىنداعى تايپاق ورمان جانە جانۋارلاردى قورعاۋ جونىندەگى مەملەكەتتىك مەكەمەسىندە توعايدى سانيتارلىق تازارتۋ جونىندە ەرەكشە ەكى كۇن ءوتتى. «ەرەكشە» دەپ وتىرعانىمىز, قۇرعاپ-كەۋىپ تۇرعان, قۇلاعان اعاشتاردان توعايدى ارىلتۋعا باسقا اۋداندارداعى ارىپتەستەر – اقجايىق, ءبورلى, چاپاەۆ, ورال, يانۆارتسەۆا ورمان شارۋاشىلىقتارىنان 46 ادام كۇش-قۇرالدارىمەن جەتىپ, كومەك كورسەتتى. مۇنداي كومەك اتالعان مەكەمەنىڭ ومىرىندە ءبىرىنشى رەت بولىپ وتىر. ايتا كەتەيىك, بۇل ءىس اۋدان اكىمى ن.تورەعاليەۆ پەن وبلىستىق تابيعي رەسۋرستاردى جانە تابيعات پايدالانۋدى رەتتەۋ جونىندەگى باسقارمانىڭ باسشىسى ا.داۋلەتجانوۆتىڭ باستاماسىمەن جۇزەگە استى. سونىمەن قاتار, بىلتىردان باستاپ داعدىعا ەنگەندەي, اۋداننىڭ تايپاق, سارىتوعاي, بازارتوبە, بازارشولان, قاراۋىلتوبە اۋىلدارىنان وسى ەكى كۇندە ورماندا 350 تۇرعىن, ەڭبەك ۇجىمدارىنىڭ وكىلدەرى اتالعان ىسپەن اينالىستى. 1500 تەكشە مەتر قۋراعان, قۇلاعان اعاشتار, قالدىق-قوقىستار جينالدى.
بولات ەسقاليەۆ.
باتىس قازاقستان وبلىسى,
اقجايىق اۋدانى.
______________________
سۋرەتتى تۇسىرگەن
نۇربەك يحسان.
