رۋحانيات • 01 ءساۋىر، 2020

ۆاحتانگوۆ تەاترى قويىلىمدارى ونلاين كورسەتىلەدى

13 رەتكورسەتىلدى

«ونلاين تەاتر» باعدارلاماسى اياسىندا 2 ءساۋىر مەن 10 ءساۋىر ارالىعىندا ماسكەۋدىڭ ايگىلى ەۆگەني ۆاحتانگوۆ تەاترى قويىلىمدارىنىڭ ونلاين كورسەتىلىمى جۇرەدى.

2 ساۋىردە رەجيسسەر سيلۆيۋ پۋركارەتەنىڭ قولتاڭباسىندا قويىلعان ج.ب.مولەردىڭ  «منيمىي بولنوي» سپەكتاكلى كورسەتىلسە،  4 ساۋىردە ۆلاديمير يۆانوۆتىڭ «ليۋدي كاك ليۋدي» (2011)، ال 5 ساۋىردە  ايگىلى رەجيسسەر ريماس تۋميناستىڭ رەجيسسەرلىگىمەن قويىلعان «ماسكاراد» (2010) سپەكتاكلى كورەرمەن نازارىنا ونلاين رەجيمدە ۇسىنىلاتىن بولادى. 

كورسەتىلىمدى ودان ءارى قاراي 7 ءساۋىر كۇنى رەجيسسەر ۆلاديمير يۆانوۆتىڭ «مادەمۋازەل نيتۋش» (2004) قويىلىمى جالعايدى. سپەكتاكلدەردىڭ ادەمى شەرۋىن 10 ساۋىردە يتاليالىق رەجيسسەر لۋكا دە فۋسكونىڭ «سۋببوتا-ۆوسكرەسەنە-پونەدەلنيك» (2019)  قويىلىمى تۇيىندەيتىن بولادى.

سپەكتاكلدەر جايلى تولىق اقپاراتتى «Online تەاتر» – https://onlineteatr.com/afisha/timetable?id=30  سايتىنان الۋعا بولادى.

ەستەرىڭىزگە سالا كەتەيىك، ە.ۆاحتانگوۆ تەاترى قويىلىمدارىنىڭ بارلىعى 2020 جىلدىڭ 2-10 ءساۋىرى ارالىعىندا ماسكەۋ ۋاقىتى بويىنشا 19.00، استانا ۋاقىتىمەن  22.00-دە «Online تەاتر» سايتىندا تەگىن كورسەتىلەدى.

سوڭعى جاڭالىقتار

ۇقساس جاڭالىقتار