«الگوريتمگە سايكەس جەرلەۋ كەزىندە قايتىس بولعان ادامنىڭ بەتىن اشۋعا تىيىم سالىنادى. تۋىستارىمەن قوشتاسۋ جەرلەۋ ءىس-شاراسىن جۇرگىزۋ ءۇشىن ءمايىتتى كەمىندە 3 م قاشىقتىقتا بەرۋگە رۇقسات ەتىلەدى, بۇل رەتتە ءمايىت قايتىس بولعان اداممەن قوشتاسۋ ورنىندا 30 مينۋتتان ارتىق بولماۋى ءتيىس. جەرلەۋ راسىمىنە ءبىر عانا ءدىن قىزمەتكەرىنىڭ قاتىسۋىنا جول بەرىلەدى. بۇل رەتتە ءدىني قىزمەتشى جانە تۋىستارى قايتىس بولعان ادامنىڭ دەنەسىمەن جاناسپايدى», دەدى ا.ەسماعامبەتوۆا.
بەلگىلى بولعانداي, تابىتپەن كومگەن كەزدە قايتىس بولعان ادامنىڭ ءمايىتى پايدالانىلاتىن پرەپاراتتىڭ نۇسقاۋلىعىنا سايكەس كونتسەنتراتسياداعى ءتيىستى ءۆيرۋليتسيدتى (باكتەريتسيدتى) دەزينفەكتسيالاۋ ەرىتىندىسى سىڭدىرىلگەن ماتاعا ورالادى. سودان كەيىن دەنە پوليەتيلەن پلەنكامەن ورالىپ, قايتادان تىعىز ماتاعا ورالادى. COVID-19-دان قايتىس بولعان ادامنىڭ ءمايىتى جەرلەيتىن جەرگە مەتالل نەمەسە تىعىز جابىلعان اعاش تابىتتا تاسىمالدانادى.
جەرلەۋ ءراسىمى كەزىندە دەنە جابىق بولۋى كەرەك, تابىت تا قاقپاعىمەن جابىلۋى كەرەك. جەرلەۋ راسىمىنە تەك جاقىن تۋىستارى عانا جىبەرىلەدى.
