قوعام • 01 ءساۋىر، 2020

ەلىمىزدە تىركەلگەن 369 ناۋقاستىڭ 91-ءى شەتەلدەن كەلگەن - ايجان ەسماعامبەتوۆا

45 رەت كورسەتىلدى

باس سانيتارلىق دارىگەر ايجان ەسماعامبەتوۆا قازاقستاندا كوروناۆيرۋس ينفەكتسياسىنىڭ تارالۋىنىڭ الدىن الۋ ماقساتىندا ەنگىزىلگەن قاۋلىعا بايلانىستى تۇسىنىكتەمە بەردى.

«قاۋلى بويىنشا مەملەكەتتىك شەكاراداعى بلوك-بەكەتتەردە سانيتارلىق كارانتيندىك باقىلاۋ باستى نازاردا. اسىرەسە ەل ىشىندەگى ىندەتكە قارسى شارالار كۇشەيتىلەدى. قاۋلىعا سايكەس ەلىمىزگە شەتەلدەن كەلگەندەر  3 كۇن بويى لابوراتوريالىق زەرتتەۋلەر جۇرگىزۋ ءۇشىن وقشاۋلانادى. ەگەر قان تالدامالارى تەرىس ناتيجە كورسەتسە، وندا ولار 14 كۇنگە ءۇي كارانتينىنە جىبەرىلەدى. ال ۆيرۋس انىقتالعان جاعدايدا ولار ينفەكتسيالىق ستاتسيونارلارعا جاتقىزىلادى»، دەدى ايجان ەسماعامبەتوۆا.

ونىڭ ايتۋىنشا، سوڭعى تاۋلىكتە ەلىمىزدە تىركەلگەن 369 ناۋقاستىڭ 91-ءى شەتەلدەن كەلگەندەر. ال قالعان انىقتالعان ناۋقاستار ىندەت جۇقتىرعاندارمەن بايلانىستا بولعان ادامدار.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار