كوروناۆيرۋس • 31 ناۋرىز، 2020

كوروناۆيرۋستان قايتىس بولعانداردى جەرلەۋ الگوريتمى ايقىندالدى

135 رەتكورسەتىلدى

باس مەملەكەتتىك سانيتاريالىق دارىگەر ايجان ەسماعامبەتوۆا كوروناۆيرۋس ىندەتىنەن قازا تاپقانداردى جەرلەۋ الگوريتمى ايقىندالعان قاۋلى شىعاردى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.

COVID-19-عا كۇدىكتى ادامنىڭ قايتىس بولۋ جاعدايى انىقتالعان كەزدە ەپيدەميولوگيالىق تەكسەرۋ جانە وسى جاعدايعا بايلانىستى باسقا دا ءىس-شارالار ەپيدەمياعا قارسى رەجيم تالاپتارىن ساقتاي وتىرىپ، ءمايىت انىقتالعاننان كەيىن تەز ارادا جۇرگىزىلەدى.

سوVID-19 دياگنوزى زەرتحانالىق راستالعان جاعدايدا قايتىس بولعان ادامنىڭ دەنەسى اشىلمايدى جانە تۋىستارىنا بەرىلمەيدى.

COVID-19-عا كۇدىكتى قايتىس بولعان ادامنىڭ دەنەسى زەرتحانالىق زەرتتەۋ ناتيجەلەرىن العانعا دەيىن تۋىستارىنا بەرىلمەيدى.

دياگنوز كۇمان تۋدىرعان جاعدايدا:

- ءمايىتتى وقشاۋلاپ ساقتاۋ جاعدايلارى بولماعان جاعدايدا (نەمەسە توتەنشە جاعدايلار كەزىندە) ءمايىتتى جەرلەۋ زەرتحانالىق زەرتتەۋلەردىڭ ناتيجەلەرىن كۇتپەستەن، ەپيدەمياعا قارسى رەجيم تالاپتارىنا سايكەس جۇرگىزىلەدى;

- ءمايىتتى تولىق وقشاۋلاۋدى جانە ساقتاۋدى قامتاماسىز ەتۋ جاعدايلارى بولعان كەزدە جەرلەۋ زەرتحانالىق زەرتتەۋلەردىڭ ناتيجەلەرىن العانعا دەيىن كەيىنگە قالدىرىلۋى مۇمكىن;

- سوVID-19-عا زەرتحانالىق زەرتتەۋدىڭ كەز كەلگەن ءتۇرى وڭ ناتيجە بەرگەن جاعدايدا ءمايىتتى جەرلەۋ بيولوگيالىق قاۋىپسىزدىك شارالارىن ساقتاي وتىرىپ جۇرگىزىلەدى;

- COVID-19-عا جانە باسقا دا اسا قاۋىپتى ينفەكتسيالارعا زەرتتەۋ ناتيجەسى تەرىس بولعان جاعدايدا ءمايىت ادەتتەگىدەي جەرلەۋ ءۇشىن تۋىستارىنا بەرىلەدى.

COVID-19-بەن اۋىراتىن ناۋقاستاردىڭ مايىتتەرىن قاراپ تەكسەرۋمەن، تاسىمالداۋمەن، جۇمىس ىستەۋمەن جانە قىزمەت كورسەتۋمەن بايلانىستى بارلىق ادامدار جەكە قورعانىش قۇرالدارىن (قولعاپتار، بەتتى قورعاۋعا ارنالعان ەكراندار، سونداي-اق قورعانىش دارەجەسى جوعارى ماسكالار نەمەسە رەسپيراتورلار (كەمىندە 2-ءشى قورعانىش سىنىبى نەمەسە FPP2)، تازا، ستەريلدى ەمەس، ۇزىن جەڭدى سۋعا ءتوزىمدى حالاتتى (نەمەسە سۋعا ءتوزىمدى ءبىر رەت قولدانىلاتىن كوستيۋم، نەمەسە سۋعا ءتوزىمدى كومبينەزون)، رەزەڭكە ەتىكتى نەمەسە قونىشى ۇزىن رەزەڭكە باحيلالاردى (بۇدان ءارى – جقق) پايدالانادى.

COVID-19-دان قايتىس بولعان ادامنىڭ ءمايىتىن جەرلەۋگە  (جۋعا) دايىنداۋ الدىندا قايتىس بولعان ادامنىڭ بەتىنە (تىنىس الۋ جولدارىنا) ءۆيرۋليتسيدتى (باكتەريتسيدتى) قۇرالعا مولىنان سۋلانعان ماسكانى (سۋلىقتى) قويۋ قاجەت.

قايتىس بولعان ادامنىڭ ءمايىتىن ساقتاۋ قاجەت بولعان جاعدايدا دەزينفەكتسيالاۋ قۇرالىنا مولىنان سۋلانعان جايمامەن وراپ، سودان كەيىن ارنايى بولىنگەن تاڭبالانعان كاسسەتالىق توڭازىتۋ كامەراسىنا سالۋ قاجەت.

تابىتسىز (ۇلتتىق ادەت-عۇرىپ بويىنشا) كومگەن كەزدە COVID-19-دان قايتىس بولعان ناۋقاستىڭ ءمايىتىن جۋ پروزەكتۋرادا جۇرگىزىلەدى. ءمايىتتى جۋعا تارتىلعان ادامدار (3 ادامنان ارتىق ەمەس) جقق كيەدى (الجاپقىشى بار سۋ وتكىزبەيتىن حالات، كوزىلدىرىك، ماسكالار، قولعاپتار)، دەزينفەكتسيالاۋ ەرىتىندىسىمەن جۋادى جانە پايدالانىلاتىن پرەپاراتتىڭ نۇسقاۋلىعىنا سايكەس كونتسەنتراتسياداعى ءتيىستى ءۆيرۋليتسيدتى (باكتەريتسيدتى) دەزينفەكتسيالاۋ ەرىتىندىسى سىڭدىرىلەتىن ماتاعا («ساۆان»، كەبىن) ورايدى. سودان كەيىن دەنە پوليەتيلەن پلەنكامەن ورالىپ، تىعىز ماتاعا ورالادى. جەرلەۋ كەزىندە اقىرەتتى اشۋعا جانە قايتىس بولعان ادامنىڭ بەتىن اشۋعا تىيىم سالىنادى. تۋىستارىمەن قوشتاسۋ جەرلەۋ ءىس-شاراسىن (جانازا، «وتپەۆانيە» جانە ت.ب.) جۇرگىزۋ ءۇشىن ءمايىتتى كەمىندە 3 م قاشىقتىقتا بەرۋگە رۇقسات ەتىلەدى، بۇل رەتتە ءمايىت قايتىس بولعان اداممەن قوشتاسۋ ورنىندا 1 ساعاتتان ارتىق بولماۋى ءتيىس. جەرلەۋ راسىمىنە ءبىر عانا ءدىن قىزمەتكەرىنىڭ قاتىسۋىنا جول بەرىلەدى.

بۇل رەتتە، ءدىني قىزمەتشى جانە تۋىستارى قايتىس بولعان ادامنىڭ دەنەسىمەن جاناسپايدى.

تابىتپەن كومگەن كەزدە (ۇلتتىق ادەت-عۇرىپ بويىنشا) قايتىس بولعان ادامنىڭ ءمايىتى پايدالانىلاتىن پرەپاراتتىڭ نۇسقاۋلىعىنا سايكەس كونتسەنتراتسياداعى ءتيىستى ءۆيرۋليتسيدتى (باكتەريتسيدتى) دەزينفەكتسيالاۋ ەرىتىندىسى سىڭدىرىلگەن ماتاعا ورالادى. سودان كەيىن دەنە پوليەتيلەن پلەنكامەن ورالىپ، قايتادان تىعىز ماتاعا ورالادى. COVID-19-دان قايتىس بولعان ادامنىڭ ءمايىتى جەرلەيتىن جەرگە مەتالل نەمەسە تىعىز جابىلعان اعاش تابىتتا تاسىمالدانادى.

جەرلەۋ ءراسىمى كەزىندە دەنە جابىق بولۋى كەرەك، تابىت تا قاقپاعىمەن جابىلۋى كەرەك. جەرلەۋ راسىمىنە تەك جاقىن تۋىستارى عانا جىبەرىلەدى.

ءمايىتتى تاسىمالداۋ جانە جەرلەۋ كەزىندە بيوقاۋىپسىزدىك شارالارىن ساقتاۋ ءۇشىن كەمىندە 5-7 ادامدى قامتيتىن جەرلەۋ توبى جاساقتالادى، ولارعا سانيتاريالىق-ەپيدەميولوگيالىق قىزمەت ۆەدومستۆوسىنىڭ اۋماقتىق بولىمشەلەرىنىڭ نەمەسە وباعا قارسى كۇرەس مەكەمەلەرىنىڭ ماماندارى ىلەسىپ جۇرەدى.

قايتىس بولعان ادامنىڭ ءمايىتىن (سۇيەكتەرىن) جەرلەۋ ورنىنا تاسىمالداۋ دەنساۋلىق ساقتاۋ ۇيىمدارىنىڭ، جەرگىلىكتى اتقارۋشى ورگاننىڭ ارنايى كولىگىمەن جۇزەگە اسىرىلادى.

توپ ارنايى جەكە قورعانىش قۇرالدارىمەن (قورعانىش كوستيۋمدەرىمەن، قولعاپتارمەن، ماسكالارمەن، اياق كيىممەن)، كۇرەكپەن، ارقانمەن، گيدروپۋلتپەن، شەلەكتەرمەن، كانيسترلەرمەن نەمەسە سۋى بار فلياگالارمەن، دەزينفەكتسيالاۋ ەرىتىندىلەرىمەن قامتاماسىز ەتىلەدى.

جەرلەۋ اياقتالعاننان كەيىن قۇرال-سايماندار، قورعانىش كيىمى، كولىك قابىردىڭ شەتىندە تىكەلەي كومىلگەن جەردە ءتيىستى كونتسەنتراتسياداعى جانە ەكسپوزيتسياداعى دەزينفەكتسيالاۋ قۇرالدارىمەن زارارسىزداندىرىلادى.

ءمايىتتى كومۋ ورنىنا تاسىمالداۋ ءۇشىن پايدالانىلعان كولىك نۇسقاۋلىققا سايكەس ءتيىستى كونتسەنتراتسياداعى دەزينفەكتسيالاۋ قۇرالدارىمەن مۇقيات جۋ نەمەسە گيدروپۋلتپەن قارقىندى سۋلاۋ جولىمەن زارارسىزداندىرادى.

كولىكتى دەزينفەكتسيالاۋدى (جۋدى) جۇرگىزەتىن ادامدار جەكە قورعانىش قۇرالدارىن (قورعانىش حالاتى، قولعاپتار، ماسكالاردى) پايدالانۋى قاجەت.

كولىكتى باسقا ورىنداردا دەزينفەكتسيالاۋعا جانە كومۋ ورنىنان زارارسىزداندىرىلماعان قۇرال-سايمانداردى، پايدالانىلعان قورعانىش كيىمدەرىن جانە ءمايىتتى تاسىمالداۋ مەن كومۋگە پايدالانىلعان باسقا دا زاتتاردى اكەتۋگە جول بەرىلمەيدى.

جەرلەۋ راسىمىنە جانە كومۋگە قاتىسقان ادامدار ينكۋباتسيالىق كەزەڭ ىشىندە (14 كۇن) مەديتسينالىق باقىلاۋعا جاتادى. 

ەل اۋماعىندا سوVID-19-دان شەتەل ازاماتتارى قايتىس بولعان جاعدايدا ءمايىتتى تاسىمالداۋ جانە ونى كومۋ بويىنشا بارلىق ءىس-شارالار قازاقستان رەسپۋبليكاسىنىڭ قولدانىستاعى نورماتيۆتىك قۇقىقتىق اكتىلەرىنە سايكەس جۇزەگە اسىرىلادى.

 

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار