2014 جىلى ەكسپو-2017 كورمەسىن وتكىزۋ ازىرلىگىنە 150 ملرد. تەڭگە بولىنەدى. ۇلتتىق قوردان بولىنەتىن بۇل قارجى ماقساتتى ترانسفەرت تارتۋ رەتىندە جۇرگىزىلەدى.
2014 جىلى ەكسپو-2017 كورمەسىن وتكىزۋ ازىرلىگىنە 150 ملرد. تەڭگە بولىنەدى. ۇلتتىق قوردان بولىنەتىن بۇل قارجى ماقساتتى ترانسفەرت تارتۋ رەتىندە جۇرگىزىلەدى.
سولتۇستىك قازاقستاندا بيداي وتكىزۋ نارىعى كەڭەيىپ كەلەدى. وبلىس بويىنشا بيىلعى جىلدىڭ 7 ايىندا 1 ملن. 235 مىڭ توننا بيداي تيەلىپ, نەگىزىنەن ازەربايجان, يران, ورتالىق ازيا جانە رەسەي وڭىرلەرىنە جونەلتىلگەن.
وڭتۇستىك قازاقستاندا ەگىن وراعى ناۋقانى اياقتالدى. بيىل تۇستىك ءوڭىر ديقاندارى گەكتارىنا 20 تسەنتنەردەن ءونىم جيناپ, قامباعا وتكەن جىلعىدان 200 مىڭ توننا استىقتى ارتىق قۇيدى. ال كەلەسى ايدىڭ سوڭىندا وبلىس ەگىنشىلەرى كۇزگى ەگىستى باستاماق.
كەشە ءۇش اۋىلدىق وكرۋگتە اكىمدەردى قايتا سايلاۋ بولىپ ءوتتى. اۋداندىق اۋماقتىق سايلاۋ كوميسسيالارىنىڭ شەشىمدەرىنە سايكەس ول پاۆلودار وبلىسىنىڭ ەكى اۋىلدىق وكرۋگى مەن ماڭعىستاۋ وبلىسىنىڭ ءبىر اۋىلدىق وكرۋگىن قامتىدى.
جايىق قالاشىعىن اسپان استىنداعى مۇراجايعا اينالدىرۋ ءۇشىن 1,2 ملرد. تەڭگە كەرەك. كەشە بۇل تۋرالى باق وكىلدەرىمەن ءباسپاسوز ءماسليحاتىندا مالىمدەگەن وبلىس اكىمى نۇرلان نوعاەۆ كونە قالاشىقتىڭ تابىلۋى ورال قالاسىنىڭ تاريحى تىم ارىدە جاتقانىن كورسەتەتىنىنە توقتالدى.
پاۆلوداردا «جۇمىسشى جاستار اراسىندا كاسىبى بويىنشا ۇزدىك - 2013» بايقاۋى مارەگە جەتتى. وعان 18 بەن 29 جاس ارالىعىنداعى جاس ماماندار قاتىستى.بايقاۋ لاۋرەاتتارىنا ديپلومدار مەن سىيلىقتار تابىس ەتىلدى.
اتىراۋدا زەينەتكەردىڭ ۇيىنە قاراقشىلىق شابۋىل جاساعان قاراقشىلار ۇستالدى. ءتارتىپ ساقشىلارىنىڭ ايتۋلارىنشا, قاسكويلەردى مۇنداي ارەكەتكە اپارعان 3,5 مىڭ تەڭگە اقشا مەن ۇيالى تەلەفون بولعان.
جامبىل وبلىسىندا 24 جاستاعى جىگىت ءىرى كولەمدەگى ماريحۋانامەن قولعا ءتۇستى. ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى ودان 1 توننا 406 كيلو سورا تاركىلەگەن.
«قازاقپارات», «قازاقستان جاڭالىقتارى», Bnews.kz, TengriNews,
EgemenNews حابارلارى بويىنشا دايىندالدى.
