«قاي جەردەنسىڭ, باۋىرىم؟», دەپ سۇرايدى ەل مەنەن
ءۇن قاتامىن جىميىپ: «سەمەي جاقتان كەلگەن ەم».
«وۋ, وندا سەن شىقتىم دە, پوليگوننىڭ ماڭىنان,
تابيعاتى توزعىنداپ, اۋرۋ-سىرقاۋ مەڭدەگەن».
«قاي جەردەنسىڭ, باۋىرىم؟», دەپ سۇرايدى ەل مەنەن
ءۇن قاتامىن جىميىپ: «سەمەي جاقتان كەلگەن ەم».
«وۋ, وندا سەن شىقتىم دە, پوليگوننىڭ ماڭىنان,
تابيعاتى توزعىنداپ, اۋرۋ-سىرقاۋ مەڭدەگەن».
كوزىمدەگى ۇشقىننان قالمادى ەندى جۇعىن دا,
سەمەي جانە پوليگون اينالدى ەگىز ۇعىمعا.
«اباي وسكەن ولكەدەن» دەپ تاعى دا قوسپاق ەم,
ءبىر-اق سوزبەن اۋزىما, قۇيا سالدى قۇمىن دا.
و, بەيتانىس, قويا تۇر, جۇرەگىمە داق سالماي,
قاسيەتتى ولكەنىڭ قايعىسى بار باتپانداي.
43 جىل ءبىر زۇلمات قارۋدى ەمەس بۇل جەردە,
ادامداردىڭ ءتوزىمىن بىرگە سىناپ جاتقانداي.
جەڭبەي قويماس ادىلەت, باستاسا ءبىر كۇرەستى,
كوتەرەيىك ەڭسەنى, پوليگوننىڭ ءۇنى ءوشتى.
جاينار قايتا تۋعان جەر, قالار جۇرتتىڭ ەسىندە,
اجداھانىڭ بولعانى اڭىزدايىن ءبىر ەسكى.
قايىربەك شاعىر.
شىعىس قازاقستان وبلىسى,
ابىرالى اۋدانى.
