«استانا وپەرادان» ونلاين-تەراپيا

ونىڭ ءمانى – مۋزىكا باعالاۋشىلارىنىڭ نازارىن اۋدارتىپ، الەۋمەتتىك جەلىلەردە سوليستەردىڭ كونتسەرتمەيستەرلەرمەن بىرگە دايىندىقتارىنىڭ قالاي ءوتىپ جاتقاندىعىن كورسەتۋ، ولاردى وپەرا ونەرىنىڭ جاۋھارلارىمەن تانىستىرۋ، سول ارقىلى جاعىمسىز ءارى كەلەڭسىز اقپارات اعىنىنان ادامداردىڭ كوڭىلىن ءبولۋ. قازاقستاندىق ارتىستەر قر مادەنيەت جانە سپورت مينيسترلىگىمەن ۇيىمداستىرىلعان شىعارماشىلىق ەستافەتانى ءبىر-بىرىنە جولداۋدا. ۆەدومستۆو #بىرگەەڭسەرەمىز، #بىزبىرگەمىز جوبالارىنىڭ اياسىندا كارانتيندەگى ۋاقىتتى ءتيىمدى وتكىزۋگە كەڭەس بەرەدى.

– ء ار ۋاقىتتا دا ونەر ادام ءۇشىن قىزمەت ەتتى: ول داۋىرلەر ارقىلى ادامدارعا جاقسى مەن جامان، يگىلىك پەن ز ۇلىمدىق، قۋانىش پەن مەرزىمى جەتكەن ماسەلە تۋرالى ايتۋعا جاردەمدەسكەن. مۋزىكا – جالعان نارسەگە شىداي المايتىن ەڭ مانەرلى تىلدەردىڭ ءبىرى، ول – امبەباپ، تۇراقتى ءارى ماڭگى. بيىل 175 جىلدىق مەرەيتويى اتالىپ ءوتىپ جاتقان ۇلى اباي قۇنانباەۆ اككوردتارى مەن فيلوسوفيالىق ويى ءبىر مارتە شىرقالعاننان-اق قازاقستاندىقتاردىڭ جۇرەكتەرىندە ماڭگى اۋەلەي بەرەتىن كومپوزيتسيانى دۇنيەگە اكەلدى. «كوزىمنىڭ قاراسى» ادام جانىنىڭ تەرەڭ تۇپكىرلەرىنە ەنىپ، تىڭداعان سايىن جاڭاشا تۇيسىنۋلەر، ەموتسيالار مەن سەزىمدەر الەمىنە جەتەلەيدى. الەۋمەتتىك جەلىدەگى پاراقشامدا وتانداستارىمدى قولداۋعا باعىتتالعان بەينەروليك جاريالايمىن. ەلىمىز بەن تۇتاستاي الەم ءۇشىن وسىناۋ قيىن-قىستاۋ كەزەڭدە قر تۇڭعىش پرەزيدەنتى قورىنىڭ لاۋرەاتتارى مەن قور جانىنداعى مادەنيەت جونىندەگى كەڭەس مۇشەلەرى قازاق كلاسسيكاسىنىڭ جاۋھارلارىن ورىندايدى. تەك بۇل جولى قويىلىم وپەرا ساحناسىندا ەمەس، كارانتين رەجيمىندە ۇيدەن ۇسىنىلادى – سەبەبى ونەردىڭ شەكاراسى جوق. ەستەرىڭىزدە بولسىن، ءبىز بىرلەسىپ ءبارىن دە جەڭەمىز - #Bizbirgemiz، - دەپ اتاپ ءوتتى ءوز اككاۋنتىندا قازاقستاننىڭ ەڭبەك سىڭىرگەن قايراتكەرى، «استانا وپەرا» وپەرا ترۋپپاسىنىڭ مەڭگەرۋشىسى ازامات جىلتىركوزوۆ.

بۇدان بولەك، باريتون ءانشى پ.ي.چايكوۆسكيدىڭ «دون جۋاننىڭ سەرەناداسىن» شىرقاپ، ەستافەتانى وپەرا تسەحىنداعى ءوز ارىپتەستەرىنە جولدادى، ءوزى بولسا مۇنى قازۇوۋ ستۋدەنتتەرى ءاليحان جانە ومارحان ومارعازيندەردەن قابىلداعان بولاتىن.

«قۇرمەت» وردەنىنىڭ كاۆالەرى، تەاتردىڭ جەتەكشى ءسوليسى ايزادا قاپونوۆا تىڭدارمان نازارىنا ي.شتراۋستىڭ «جارقانات» وپەرەتتاسىنان ادەلدىڭ شۋماقتارىن ۇسىندى. وپەرا انشىسىنەن چەللەندجدى بەلگىلى ارتىستەر – تالعات مۇساباەۆ، راسۋل جارماعامبەتوۆ، ايگۇل قوسانوۆا قابىلداماق. مايرا مۇحامەدقىزى، جۇپار عابدۋللينا، دينا حامزينا جانە باسقا كوپتەگەن ارتىستەر ءوز وقىرماندارىمەن بەلسەندى قارىم-قاتىناس جاساۋدا.

قازاقستاندىق وپەرا ديۆاسى، قازاقستاننىڭ ەڭبەك سىڭىرگەن ءارتىسى، قر مەملەكەتتىك سىيلىعىنىڭ لاۋرەاتى مايرا مۇحامەدقىزى 4 ءساۋىر كۇنى ساعات 21:00-دە قازاقتەلەكومنىڭ YouTube كانالىنان تىكەلەي ەفيردە Live فورماتىنداعى جەكە كونتسەرتىن بەرەتىنىن اتاپ وتكەن ءجون!

كونتسەرت باعدارلاماسىنا قازاقتىڭ حالىق اندەرى، اباي قۇنانباەۆتىڭ تۋىندىلارى، تانىمال يتالياندىق جانە كلاسسيكالىق ورىس رومانستارى ەنگەن. 

ەسكە سالار بولساق، قر مادەنيەت جانە سپورت مينيسترلىگى «قازاقتەلەكوم» اق-مەن بىرلەسىپ، Live فورماتىندا «كارانتيندەگى جۇلدىز» جاڭا جوباسىن ىسكە قوسقان بولاتىن. سونداي-اق كورەرمەندەردىڭ ارتىستەرمەن سۇحباتتاسۋ مۇمكىندىگى تۋىندادى. كونتسەرتتەر اشىق ءارى بارشاعا قولجەتىمدى تۇردە تەگىن وتكىزىلەدى.