كوروناۆيرۋس • 31 ناۋرىز، 2020

ەكىنشى ناۋقاستىڭ ولىمىنە بايلانىستى دەرەكتەر پايدا بولدى

2773 رەتكورسەتىلدى

كوروناۆيرۋستان قايتىس بولعان 50 جاستاعى ازامات ەمحاناعا اۋىر جاعدايدا تۇسكەنى بەلگىلى بولدى. دارىگەرلەر تىنىس الۋ جۇيەسىنىڭ جەتكىلىكسىزدىگى مەن ەكى جاقتى پنەۆمونيا بولعانىن ايتادى. بۇل تۋرالى coronavirus2020.kz حابارلادى.  

قانت ديابەتى، ينسۋلينگە تاۋەلدىلىگى مەن ارتەريالىق گيپەرتەنزياسى دا ناۋقاستىڭ جاعدايىن اۋىرلاتا تۇسكەن.

ول 22 ناۋرىز كۇنى رەانيماتسيا جانە قارقىندى تەراپيا بولىمىنە اۋىستىرىلعان.

ساراپتاما قورىتىندىسى ناۋقاستىڭ كوروناۆيرۋس جۇقتىرعانىن انىقتاعان.

ول كوروناۆيرۋستىق ينفەكتسيانى دياگنوستيكالاۋ مەن ەمدەۋدىڭ كلينيكالىق حاتتاماسىنا ساي ەم العان.

دارىگەرلەر كۇن سايىن بەيىندى ماماندارمەن، ونىڭ ىشىندە استانا مەديتسينا ۋنيۆەرسيتەتى كافەدرالارىنىڭ قىزمەتكەرلەرىمەن كونسيليۋمدەر وتكىزگەن. 

قابىلداعان قارقىندى تەراپياعا قاراماستان، ناۋقاستا پوليورگاندىق، ياعني تىنىس الۋ، جۇرەك جانە بۇيرەك جەتىسپەۋشىلىگىنىڭ بەلگىلەرى ارتا تۇسكەن.

31 ناۋرىز كۇنى ساعات 03.30-دا ناۋقاستىڭ جۇرەگى توقتاعان.

وسىعان دەيىن نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ەلىمىزدە كوروناۆيرۋستان ەكىنشى ناۋقاستىڭ كوز جۇمعانىن حابارلاعان ەدى. ناۋقاستىڭ ءبىر اي بويى اۋىرىپ، مەديتسينالىق كومەككە جۇگىنبەگەنى بەلگىلى بولعان.

سوڭعى جاڭالىقتار

ۇقساس جاڭالىقتار