قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ ليتۆا رەسپۋبليكاسى سەيمىنىڭ دەپۋتاتى, ەۋروپا كەڭەسى پارلامەنتتىك اسسامبلەياسىنىڭ مۇشەسى ەگيديۋس ۆارەيكيسپەن كەزدەستى.
قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ ليتۆا رەسپۋبليكاسى سەيمىنىڭ دەپۋتاتى, ەۋروپا كەڭەسى پارلامەنتتىك اسسامبلەياسىنىڭ مۇشەسى ەگيديۋس ۆارەيكيسپەن كەزدەستى.
سونداي-اق, قازاقستانعا كەلگەن شەتەل تىلشىلەرى كۋكا رانتا (فينليانديا) مەن رافاەللا كوسەنتينو (يتاليا) قاتىسقان كەزدەسۋ بارىسىندا قۇقىق قورعاۋ تاقىرىبىنا بايلانىستى كەڭ اۋقىمدى ماسەلەلەر تالقىلاندى.
اتاپ ايتقاندا, دەپۋتات ە.ۆارەيكيس ەلدەگى ازاماتتار قۇقىقتارىنىڭ ساقتالۋى, قازاقستاندا جۇرگىزىلىپ جاتقان قىلمىستىق جانە پەنيتەنتسيارلىق ساياساتقا, تۇزەۋ مەكەمەلەرىندەگى سوتتالعانداردىڭ ۇستالۋى ماسەلەلەرىنە قىزىعۋشىلىعىن تانىتتى.
ءوز كەزەگىندە, ا.شاكىروۆ ەلدىڭ ادام قۇقىقتارى سالاسىنداعى زاڭناماسىن جەتىلدىرۋ, سونىڭ ىشىندە قىلمىستىق, قىلمىستىق-ءىس جۇرگىزۋ, قىلمىستىق-اتقارۋ زاڭناماسىن ىزگىلەندىرۋ, ۇلتتىق الدىن الۋ تەتىگىن قۇرۋ, ازاپتاۋدى قولدانۋ فاكتىلەرىن قاراۋ, سونداي-اق, ەڭبەك جانە الەۋمەتتىك قاراما-قايشىلىقتاردىڭ الدىن الۋ بويىنشا ومبۋدسمەن جانىنداعى جۇمىس توبىنىڭ مونيتورينگتىك ساپارلار شەڭبەرىندە قۇقىق قورعاۋ مەكەمەسىنىڭ قىزمەتى ماسەلەلەرىمەن تانىستىردى.
كەزدەسۋ قورىتىندىسىندا تاراپتار ادام قۇقىقتارى جونىندەگى حالىقارالىق ستاندارتتاردى ىسكە اسىرۋ سالاسىنداعى ءوزارا ارەكەتتەسۋدىڭ ماڭىزدىلىعىن اتاپ ءوتتى, دەپ حابارلادى ادام قۇقىقتارى جونىندەگى ۋاكىلدىڭ ءباسپاسوز قىزمەتى.
