ايماقتار • 31 ناۋرىز، 2020

ەلوردادا كارانتين ءتارتىبىن بۇزعان 300 ادام جاۋاپقا تارتىلدى

27 رەتكورسەتىلدى

بۇل تۋرالى نۇر-سۇلتان قالاسى پوليتسيا دەپارتامەنتىنىڭ باسشىسى ە. سادەنوۆ حابارلادى.

«كارانتين رەجىمىنىڭ كۇشەيتىلۋىنە قاراماستان، كەيبىر ازاماتتار قوعامدىق ءتارتىپتى بۇزىپ، كوشەدە جۇرگەن. ءۇش كۇننىڭ ىشىندە، ياعني 28-30 ناۋرىز كەزەڭىندە پوليتسياعا 307 ادام جەتكىزىلدى. ولارعا قاتىستى اكىمشىلىك جازا قابىلداندى. سونىمەن قاتار، ەكى مىڭنان استام پروفيلاكتيكالىق ءتۇسىندىرۋ شارالارى جۇرگىزىلدى»، - دەدى نۇر-سۇلتان قالاسى پوليتسيا دەپارتامەنتىنىڭ باسشىسى ە. سادەنوۆ.

دەپارتامەنت باسشىسىنىڭ ايتۋىنشا، بۇگىنگە دەيىن 202 ادامعا ايىپپۇل سالىندى.

«22 ناۋرىزدان باستاپ توتەنشە جاعداي رەجىمىن بۇزعانى ءۇشىن 369 ادام اكىمشىلىك جاۋاپكەرشىلىككە تارتىلدى، ونىڭ ىشىندە 86-سى قاماۋعا الىندى، 202 ادامعا ايىپپۇل سالىندى. سونىمەن قاتار، 69 ادامعا ەسكەرتۋ جاسالسا، 17 ءىس سوتتا قارالۋدا. بلوك-بەكەتتەرىندە 98 ادام جازاعا تارتىلدى، ونىڭ ىشىندە 80 ادام قامالدى، 14 ادامعا ايىپپۇل سالىندى، 4 ءىس سوتتا قارالۋدا»، - دەدى ە. سادەنوۆ.

سوڭعى جاڭالىقتار

ۇقساس جاڭالىقتار