قىتاي عالىمدارى اۋرۋحانادان كوروناۆيرۋستان جازىلىپ, ناتيجەسى تەرىس شىققاندار ءۇشىن كارانتين مەرزىمىن ۇزارتۋ كەرەك ەكەنىن ايتۋدا. ولار ىندەتتەن تولىق ايىققان ەمدەلۋشىلەرگە زەرتتەۋ جۇرگىزىپ, تەست ناتيجەلەرى تەرىس شىققانىنا قاراماستان ۆيرۋستى تاراتۋشى بولاتىنىن انىقتادى.
مۇنداي ەمدەلۋشىلەردە سيمپتومدار جوق, بىراق اۋىز جۇتقىنشاعىندا ۆيرۋس بولشەكتەرى ساقتالادى. ەمدەلۋشىلەردىڭ جارتىسىنا جۋىعى بارلىق سيمپتومداردى جويىلعاننان كەيىن دە ۆيرۋس ءبولۋدى جالعاستىرادى. بەلگىلى بولعانداي, ەمدەلۋشىلەردىڭ ۆيرۋس تاراتۋ قاۋپى 1-دەن 8-ءشى كۇنگە دەيىن ساقتالادى.
بۇگىنگى تاڭدا ەڭ ءتيىمدى الدىن الۋ شاراسى رەتىندە ءوزىن-ءوزى وقشاۋلاۋ باسقا ادامداردىڭ جۇقتىرۋ قاۋپىن تومەندەتۋگە مۇمكىندىك بەرەدى.
