الەم • 30 ناۋرىز، 2020

العاشقى تاريحي ۆيرتۋالدى سوت وتىرىسى

20 رەتكورسەتىلدى

انگليانىڭ جوعارعى سوتىنىڭ 900 جىلدىق تاريحىندا العاش رەت سوت تىڭداۋلارى ونلاين ترانسلياتسيا ارقىلى بەينەكونفەرەنتسيا جۇيەسىنىڭ كومەگىمەن ءوتىپ جاتىر. بۇدان بۇرىن ونلاين ترانسلياتسيا قوعام ءۇشىن ەرەكشە ماڭىزدى ىستەر بولعاندا عانا قولدانىلعان. سونىمەن قاتار، بۇل ىستەر سوت زالىندا ورىن الىپ، پروتسەستىڭ تەك ۆيدەوترانسلياتسياسى قامتاماسىز ەتىلگەن.

قازاقستان قاتىسىپ جاتقان بۇل پروتسەسس بۇرىنعىعا قاراعاندا وزگەشە. بۇكىل سوت تىڭداۋى ۆيرتۋالدى تۇردە ءوتىپ جاتىر، وندا ءاربىر قاتىسۋشى – سۋديا، بارريستەرلەر، قوناقتار مەن كۋاگەرلەر ۇيدە نەمەسە كەڭسەدە وتىرىپ، ينتەرنەت ارقىلى پروتسەسكە قاتىسادى.

بۇل پروتسەسس قازاقستاننىڭ باستاماسى مەن تالپىنىسىنىڭ، سونداي-اق جاھاندىق كارانتين كەزەڭىندە مۇنداي تاجىريبەگە جول بەرگەن انگليادا قابىلدانعان زاڭنىڭ ارقاسىندا مۇمكىن بولدى. سۋديا الدىن-الا بەكىتىلگەن كەستەگە سايكەس تىڭداۋدى جالعاستىرۋ تۋرالى شەشىم قابىلداۋ ءۇشىن ارنايى زاڭنىڭ كۇشىنە ەنۋىن كۇتۋگە ءماجبۇر بولدى.

قازاقستان رەسپۋبليكاسى مەن قازاقستان رەسپۋبليكاسى ۇلتتىق بانكىنىڭ مولدوۆا ازاماتتارى اناتول ستاتي، گابريەل ستاتي جانە ولاردىڭ Ascom Group S.A.، Terra Raf Trans كومپانيالارىنا جانە Bank of New York Mellon (BNYM)-گە قارسى ءىسى بويىنشا تىڭداۋلار انگليانىڭ جوعارعى سوتىندا وتۋدە.

قازاقستان رەسپۋبليكاسىنىڭ ۇكىمەتى مەن ۇلتتىق بانكى بىرلەسە وتىرىپ ستاتي مەن BNYM-گە قارسى BNYM-دە ساقتالعان 530 ميلليون اقش دوللارىنا ۋاقىتشا تىيىم سالۋدىڭ نەگىزدەرىنە قاتىستى تالاپ-ارىزدى انگليانىڭ جوعارعى سوتىنا بەردى.

نەگىزگى تىڭداۋلار سۋديانىڭ كەستەسىنە 2020 جىلدىڭ ناۋرىزىنا ەنگىزىلگەن بولاتىن. الايدا، COVID-19 عالامدىق پاندەمياسىن العىشارت رەتىندە قولدانا وتىرىپ، ستاتي سوت الدىندا تىڭداۋدى كەيىنگە قالدىرۋعا شاقىردى. وسى ماسەلە بويىنشا جاۋاپكەر رەتىندە ارەكەت ەتەتىن ستاتيگە بۇل پروتسەستى كەيىنگە قالدىرىپ، سوزۋ – ءتيىمدى ەكەنىن اتاپ وتكەن ءجون. قازاقستاندىق تاراپ مەرزىمدەردى كەيىنگە قالدىرۋعا قارسى بولىپ، ۆيرتۋالدى سوت وتىرىسىن بۇرىن كەلىسىلگەن مەرزىمدە وتكىزۋدى تالاپ ەتتى.

قازىرگى ۋاقىتتا قولجەتىمدى تەحنيكالىق شەشىمدەر ادىلەت جۇيەسىنىڭ ۇزدىكسىز جۇمىسىن قامتاماسىز ەتۋى كەرەك. سۋديا قازاقستاندىق تاراپتىڭ پوزيتسياسىن قولداپ، ءوزى ءۇشىن جاڭا فورماتتا تىڭداۋدى وتكىزۋگە ۇيعاردى.

وسىلايشا، قازاقستاندىق تاراپ جاريالانعان كارانتينگە جانە بارلىق پروتسەستەردىڭ توقتاۋىنا قاراماستان، شەتەلدىك يۋريسديكتسيالاردا ءوز مۇددەلەرى مەن قۇقىقتارىن قورعاۋدى جالعاستىرۋدا. ادىلەت مينيسترلىگىنىڭ قىزمەتكەرلەرى كونسۋلتانتتاردىڭ جۇمىسىن قاشىقتىقتان ۇيلەستىرە وتىرىپ، وسىنداي قيىن كەزەڭدە قىزمەت ەتۋدى جالعاستىرۋدا.

سوڭعى جاڭالىقتار

ۇقساس جاڭالىقتار