كوروناۆيرۋستى اتىراۋ قالاسىنا ىسساپارعا بارعاندا جۇقتىرعان 42 جاستاعى ءاليا جەكە كولىگىمەن 27 ناۋرىز كۇنى كەيىن ورالعان. 28 ناۋرىز كۇنى تاڭەرتەڭ دەنە قىزۋى كوتەرىلگەنىن, السىزدىك جايلاعانىن بايقاعان. ءسويتىپ, بىردەن 1406, 103 نومىرلەرىنە قوڭىراۋ شالىپ, ءوزىنىڭ جاعدايىن ايتىپ بەرەدى. ونىڭ ۇستىنە ۆيرۋستى ەشكىمگە جۇقتىرماۋ ءۇشىن, ەشكىمدى قاۋىپكە دۋشار ەتپەۋ ءۇشىن ءوز كولىگىمەن وقشاۋلاۋ ورتالىعىنا جەكە كولىگىمەن ءوزى كەلىپ ورنالاسادى. سول جەردە بارلىق دارىگەرلەر ناۋقاستىڭ جاعدايىن تەكسەرىپ, اناليزدەرىن الىپ, ەرتەڭىنە ونىڭ شىنىندا دا كوروناۆيرۋسكە شالدىققانىن انىقتاعان.
ال ەندى وسى ادامنىڭ تولىق اتى-ءجونى, قىزمەتى قالايشا كوپشىلىككە جاريا بولىپ كەتكەن؟ ءاليا وزىنە جان-جاقتان تانىستارى تەلەفون شالىپ, «بولعان وقيعا تۋرالى الەۋمەتتىك جەلىلەردەن كورگەنىن» ايتقاندا, قاتتى تاڭ قالعان.
– الەۋمەتتىك جەلىلەردە, سونداي-اق WhatsApp مەسسەنجەرىندە ناۋقاستىڭ جەكە مالىمەتتەرى, تۇرعىلىقتى جەرى كورسەتىلگەن اقپارات كوپشىلىككە تاراپ كەتكەن. بۇل قىلمىستىق جاۋاپكەرشىلىككە تارتىلاتىن قۇقىقبۇزۋشىلىق. بۇل ءۇشىن 7 جىلعا دەيىن باس بوستاندىعىنان ايىرۋ جازاسى قاراستىرىلعان. قازىر وسى قىلمىس بويىنشا ءىس كوتەرىلىپ, ورال قالالىق پوليتسيا باسقارماسى تەرگەۋ جۇرگىزۋدە, – دەيدى باتىس قازاقستان وبلىستىق پوليتسيا دەپاكرتامەنتىنىڭ رەسمي وكىلى بولاتبەك بەلگىبەكوۆ.
باتىس قازاقستان
