قازاق ۇلتتىق ۋنيۆەرسيتەتىندە جۋرناليستىك وقۋ تاۋىسقان تالاپتى وعلان جاستايىنان تانىلىپ, «الماتى اقشامى», «الاش ايناسى», «دالا مەن قالا», «زاڭ», «جاس قازاق ءۇنى», سونداي-اق شىعىس قازاقستان وبلىستىق «ديدار»گازەتتەرىندە جەمىستى جۇمىس ىستەدى. سونىڭ نəتيجەسىندە پرەزيدەنتتىڭ العىس حاتىن الىپ, «جىلدىڭ جاس ءجۋرناليسى» اتانعان. بۇيىرسا, بۇل əرىپتەسىمىزدىڭ الار اسۋلارى ءəلى الدا دەپ بىلەمىز.
وسى جۋىردا عانا ونىڭ «ەل – əڭگىمەشى» اتتى كىتابى جارىق كورىپ, وقىرمانعا جول تارتتى. يə, ۇلى مۇحتار Əۋەزوۆ ايتقانداي, «جەر əڭگىمەشى, جەر əڭگىمەشى بولعان سوڭ ەل – əڭگىمەشى». جالپى ۇلان-عايىر قازاق دالاسىنىڭ قاي پۇشپاعى دا قاسيەتتى. تاريحي-تانىمدىق تاعىلىمدارعا تۇنىپ تۇر. ايتسە دە, اباي, شəكəرىم, مۇحتار سىندى دانالاردى بەرگەن شىڭعىستاۋ ءوڭىرىنىڭ ارينە ءجونى بولەك. سول كيەلى توپىراقتا تۋىپ-وسكەن ازامات ءىنىمىزدىڭ سانا ساڭىلاۋى ەرتەرەك اشىلىپ, ەل ىشىندەگى ەستى سوزدەرگە قۇمارلانا قۇلاق تۇرگەنى انىق.
جىپ-جىلى جيناققا ەنگەن وي-تولعامدار, وچەركتەر, سۇحباتتار كوزى اشىق, كوكىرەگى وياۋ كوپشىلىكتىڭ كوڭىلىنەن شىعارىنا شەك كەلتىرمەيمىز. ءبىر بايقاعانىمىز, وردا بۇزار وتىزدى ەندى عانا ورتالاعان قالامگەر ۇلتتىق قۇندىلىقتارىمىزدى ۇلىقتاۋعا قال-قادەرىنشە قۇلاش ۇرادى. ەتنوگرافيالىق ەتيۋدتەرگە تولى «ايۋدى ارقانداعان شويتابان», «تارپاڭداردى تىرپ ەتكىزبەيتىن تəتتىمبەت» جəنە باسقا ماقالالارى وقىرماندى ەرىكسىز باۋرايدى. قازىر ساياتشىلىق, اتبەگىلىك سياقتى مىناۋ قازاقتار قالالانعان زاماندا تاڭسىق تاقىرىپقا اينالعان «ەسكىلىك قالدىقتارىنان ارىلا الماي» جۇرگەن ەتنو-جۋرناليستەر ونشا كوپ ەمەس. سوندىقتان ازامات قاسىمنىڭ قان سونارعا تۇسكەن اڭشىداي قانجىعاسىن مايلاۋعا اسىققان ىزگى ىزدەنىستەرىنە سəتتىلىك تىلەيمىز.
كىتاپتا ءسىز بەن ءبىزدى بەيجاي قالدىرمايتىن باسقا دا مəيەكتى ماقالالار بارشىلىق. ولاردى وزدەرىڭىز وقىعاندارىڭىز دۇرىس بولار.
