نۇر-سۇلتان جانە الماتى قالالارىندا جاريالانعان كارانتين كەزەڭىندە كينو ورتالىعى كومانداسى قاشىقتىقتان جۇمىس ىستەۋ تارتىبىنە اۋىسىپ, جوسپارلانعان كەزدەسۋلەر مەن ماجىلىستەر ادەتتەگى كەستەمەن, بىراق ونلاين رەجىمدە وتكىزىلۋدە. ال ناۋرىز ايىنداعى ەڭ باستى وقيعا – ونلاين رەجىمىندە وتكىزىلگەن كينوجوبالاردىڭ ەكىنشى پيتچينگى بولدى. ساراپشىلار كەڭەسى وعان دەيىنگى 4 اي ىشىندە 223 ءوتىنىمدى قاراعان. ىرىكتەلگەن جوبالار ۆەدومستۆوارالىق كوميسسياعا جىبەرىلىپ, كوميسسيا مەملەكەت تاراپىنان قارجىلاندىرۋعا ۇمىتكەر فيلمدەردىڭ ەڭ سوڭعى ءتىزىمىن بەكىتەدى.
70-ءشى بەرلين كينوفەستيۆالىنە قاتىسىپ, Kazakh سinema ستەندى العاش رەت كورمەگە قويعان كينو ورتالىعى ەلىمىزدىڭ كينو ونەرىن بەدەلدى دەگەن كينو فورۋمدارى مەن كينو الاڭدارىنا شىعارۋدى جوسپارلاعان. الايدا كوروناۆيرۋس پاندەمياسىنا بايلانىستى كارانتين جاريالانۋى سالدارىنان جۋىردا وتكىزىلۋى كەرەك بولعان كينوفەستيۆالدەر كەيىنگە قالدىرىلدى. قازاقستان بىرنەشە كينو جوباسىن ۇسىنعان كانن فەستيۆالى دە جوسپارلانعان ۋاقىتىندا وتكىزىلمەيتىنى بەلگىلى بولىپ وتىر.
سونىمەن قاتار كوروناۆيرۋس پاندەمياسى مەن قازاقستاندا ەنگىزىلگەن تج تارتىبىنە بايلانىستى كينو ورتالىعى قارجىلاندىرىپ وتىرعان بىرقاتار فيلمدەردى ءتۇسىرۋ ۋاقىتشا توقتاتىلدى. ولاردىڭ قاتارىندا قاناعات ءمۇستافيننىڭ «كاجىمۋكان», اقان ساتاەۆتىڭ «بوكسيور» جانە ەمير بايعازيننىڭ «ۆىبور» فيلمدەرى بار.
بۇگىنگى كارانتين كەزىندە كينو ورتالىعىنىڭ باستاماسىمەن «كتك» تەلەارناسىندا ناۋرىزدىڭ 28-ىنەن باستاپ «ۇيدەگى سەانس» مارافونى باستالدى. ءار دەمالىس سايىن ەفيردە سوڭعى 15 جىل ىشىندە تۇسىرىلگەن قازاقستاندىق كينوفيلمدەر كورسەتىلەتىن بولادى. سونداي-اق, ونلاين-كينوتەاترلار مەن كينوپلاتفورمالار قازاقستاندىق فيلمدەردىڭ ارنايى توپتاماسىن ۇسىنىپ وتىر. سونىمەن, قازىرگى ۇيدە وتكىزىپ جاتقان دەمالىسىمىز – وتاندىق كينەماتوگرافياعا باعا بەرەتىن كەزەڭ بولسىن.
