دەنساۋلىق ساقتاۋ مينيسترلىگىنىڭ تاۋارلار مەن قىزمەتتەر قاۋىپسىزدىگى جانە ساپانى باقىلاۋ كوميتەتىنىڭ ءتورايىمى ليۋدميلا بيۋرابەكوۆانىڭ inbusiness.kz پورتالىنا بەرگەن مالىمەتى بويىنشا, ەلىمىزگە ازىرشە ەكسپرەسس-تەستتىڭ 170 مىڭ داناسى جەتكىزىلەدى. مينيسترلىك قازىردىڭ وزىندە كوروناۆيرۋسقا تەكسەرىلەتىن ازاماتتاردىڭ ءتىزىمىن جاساپ قويعان. تىزىمدەگىلەر «وليمپ» كلينيكالىق-دياگنوستيكالىق ورتالىقتارىندا تەستتى تەگىن تاپسىرادى. ولاردىڭ قاتارىندا تىنىس الۋ جولدارىنىڭ سىرقاتى بويىنشا ديسپانسەرلىك ەسەپتە تۇرعاندار, الەۋمەتتىك جاعدايى ءالسىز توپتار مەن قارتتار بار.
ەكسپرەسس-تەستتەر كەلىپ تۇسكەن ۋاقىتتا دەنساۋلىق ساقتاۋ مينيسترلىگى بۇل تۋرالى رەسمي تۇردە جاريالايدى. بۇدان كەيىن تەستتەن وتكىسى كەلگەن بارلىق ادام زەرتحانانىڭ سايتىنداعى ارنايى انكەتانى تولتىرۋى كەرەك. ءارى قاراي انكەتا اۆتوماتتى تۇردە وڭدەلەدى دە ازاماتتار بىرنەشە توپقا جىكتەلەدى. ەكسپرەسس-تەستتەن وتۋگە مۇقتاج توپتى مينيسترلىك ىرىكتەپ, ولارعا حابارلاسىپ, ۇيىنە جاقىن ورنالاسقان زەرتحانالاردىڭ بىرىنە بارىپ اناليز تاپسىرۋعا شاقىراتىن بولادى.
قىمبات توقتامۇرات
