ايماقتار • 28 ناۋرىز، 2020

ماڭعىستاۋدا شەكتەۋ شارالارى ەنگىزىلدى

129 رەتكورسەتىلدى

بۇل تۋرالى ماڭعىستاۋ وبلىستىق اقپاراتتىق قىزمەت حابارلادى.

ماڭعىستاۋ وبلىسىندا كوروناۆيرۋس ينفەكتسياسىن تاراتپاۋ ماقساتىندا وبلىستىڭ باس مەملەكەتتىك سانيتارلىق دارىگەرى سىدىمانوۆتىڭ قاۋلىسىمەن ايماقتا مىناداي شەكتەۋ شارالارى ەنگىزىلدى:

حالىقتىڭ قوزعالىسىنا، سونىمەن، قاتار قوعامدىق كولىكتىڭ قوزعالىسىنا 2020 جىلدىڭ 30 ناۋرىزىنان 19.00 دەن 08.00 ساعاتقا دەيىن ەپيدەمياعا قارسى رەجيم بويىنشا شەكتەۋ قويىلدى.

تۇرعىنداردىڭ ءوز پاتەلەرىنەن شىعۋىنا شەكتەۋ قويىلادى ( تەك ەرەكشە قاجەتتىلىك بولعاندا عانا -دۇكەنگە، دارىحاناعا، قوقىس توگۋگە جانە جۇمىسقا بارۋعا رۇقسات ەتىلەدى).

كورشىلەردىڭ، تۋىستاردىڭ، ارىپتەستەر جانە ت.ب ءبىر-بىرىنە بارۋىنا شەكتەۋ قويىلدى.

ازاماتتاردىڭ قوعامدىق ورىندارعا: ساياباقتار، الاڭدار، بالالار جانە سپورت الاڭقايلارى جانە ت.ب. بارۋىنا شەكتەۋ قويىلسىن. اۋە جانە تەمىر جول، اۆتوۆوكزالدارعا شىعارىپ سالۋشىلار مەن كۇتىپ الۋشىلاردىڭ كىرۋىنە شەكتەۋ قويىلدى.

 

ماڭعىستاۋ وبلىسى

                          

سوڭعى جاڭالىقتار

ۇقساس جاڭالىقتار