قازاقستان • 28 ناۋرىز، 2020

6 ساۋىردەن باستاپ «Balapan» تەلەارناسىندا مەكتەپ وقۋشىلارىنا ارنالعان بەينەساباقتار كورسەتىلەدى

200 رەتكورسەتىلدى

ەلىمىزدەگى توتەنشە جاعدايعا بايلانىستى 2020 جىلعى 6 ساۋىردەن باستاپ قازاقستان رەسپۋبليكاسىنىڭ ورتا ءبىلىم بەرۋ ۇيىمدارى قاشىقتان وقىتۋ جۇيەسىنە كوشەدى. قر ءبىلىم جانە عىلىم مينيسترلىگى مەن قر اقپارات جانە قوعامدىق دامۋ مينيسترلىگى بىرلەسە وتىرىپ بەينەساباقتاردى قازاق تىلىندە «Balapan» تەلەارناسىندا كورسەتەدى. دۇيسەءنبى-جۇما كۇندەرى تاڭعى ساعات 09:00-دەن باستاپ 15:00 ارالىعىندا 1-11 سىنىپتىڭ وقۋ پاندەرى بويىنشا بارلىعى 2042 بەينەساباق وتكىزۋ جوسپارلانعان.  

«قازاقستان» رەسپۋبليكالىق تەلەراديوكورپوراتسياسىنىڭ قۇرامىنداعى «Balapan» تەلەارناسى «وtau TV» سپۋتنيكتىك وپەراتورى، «اlma TV» كابەلدىك وپەراتورى، ID TV تسيفرلىق تەلەديدار قىزمەتى ارقىلى قولجەتىمدى. سونىمەن قاتار ارنانى www.balapan.tv رەسمي سايتى مەن «Qazaqstan.tv» ءموبيلدى قوسىمشاسىنان ونلاين كورۋگە بولادى. «Android» جانە «iOS» پلاتفورمالارىنا لايىقتالعان ءموبيلدى قوسىمشانى «App Store»،«Play Market» سەرۆيستەرى ارقىلى تەگىن جۇكتەۋ مۇمكىندىگى قاراستىرىلعان. 

بەينەساباقتاردى كوپشىلىككە وڭاي قولجەتىمدى ەتۋ ماقساتىندا «Balapan» تەلەارناسىنىڭ You Tube جەلىسىندەگى رەسمي ارناسىنان دا تىكەلەي كورسەتۋ جوسپارلانىپ وتىر.  

سوڭعى جاڭالىقتار

ۇقساس جاڭالىقتار