قازاقستانداعى تۇڭعىش تولىق اۆتوماتتاندىرىلعان ءسۇت زاۋىتى تالدىقورعان قالاسىندا سالىنعالى جاتىر. «بيزنەستىڭ جول كارتاسى-2020» مەملەكەتتىك باعدارلاماسى اياسىندا بوي كوتەرەتىن زاماناۋي ءوندىرىس ورنىنىڭ جوباسى «دامۋ» قورىنىڭ وڭىرلىك فيليالى ارقىلى جۇزەگە اسىرىلادى.
قوردىڭ مالىمەتىنشە, جوبانىڭ نەگىزگى مىندەتى – جەتىسۋ ءوڭىرىنىڭ ورتالىعىنداعى قالالىق ءسۇت زاۋىتىنىڭ قۇرىلىسىن سالىپ, جاڭعىرتۋ بولىپ تابىلادى. بۇل تولىعىمەن اۆتوماتتاندىرىلعان رەجىمدە ءسۇت وڭدەۋگە ەسەپتەلگەن قازاقستانداعى العاشقى زاۋىت بولادى. سونىمەن قاتار, كومپانيانىڭ ەنشىلەس ۇيىمدارى سۋبسيديا الا وتىرىپ, ليزينگىگە ءسۇت جيناۋعا ارنالعان تىركەمەسى بار اۆتوتسيستەرنا مەن دايىن ونىمدەردى تاسىمالداۋعا ارنالعان اۆتوكولىكتەر ساتىپ الدى.
قالاداعى «JLC ءسۇت» سەرىكتەستىگى – 2011 جىلى 22 تامىزدا قۇرىلعان «كومپانيا فۋدماستەر-ايس كريم» جشس-نىڭ ەنشىلەس كاسىپورنى. قازىرگى تاڭدا كومپانيا ورتا ازيا وڭىرىندە بالمۇزداق وندىرەتىن ەڭ ءىرى زاۋىتتاردىڭ ءبىرى بولىپ وتىر.
سەيىتجان ق ۇلىمباي.
