ونەر • 26 ناۋرىز، 2020

ايگىلى «لا سكالا» تەاترىنىڭ قويىلىمدارىن ەندى ونلاين تاماشالاۋعا بولادى  

26 رەت كورسەتىلدى

يتاليانىڭ اتى اڭىزعا اينالعان «لا سكالا» تەاترى مەن RaiPlay online-پلاتفورماسىنىڭ كاسىبي سەرىكتەستىگىنىڭ ناتيجەسى تەاترسۇيەر تالعامپاز قاۋىم ءۇشىن ۇلكەن ونەر ولجاسىنا اينالماق.

الداعى بىرنەشە اپتا كولەمىندە ايگىلى تەاتردىڭ 2008-2019 جىلدار ارالىعىندا جازىلىپ الىنعان 30 ۇزدىك قويىلىمى ونلاين رەجيمدە كورەرمەن نازارىنا ۇسىنىلاتىن بولادى.

23 ناۋرىزدان باستالعان ونلاين كورسەتىلىم 21 ساۋىرگە دەيىن جالعاسادى. RaiPlay پلاتفورماسى  6 ساۋىرگە دەيىن استانا ۋاقىتى بويىنشا ساعات 15.00-دە، ودان ارى قاراي ساعات تاڭعى 02.15-تە «لا سكالا» تەاترىنىڭ رەسمي سايتىندا http://www.teatroallascala.org/it/calendario-trasmissioni-rai.html كورسەتىلگەن مىنا سپەكتاكلدەردى تومەندەگى ءتىزىم بويىنشا ونلاين تاماشالاۋعا مۇمكىندىك بەرەدى.

– راس، الەمدە بەلەڭ العان مىنا قيىن جاعداي كۇللى ادامزات، ونىڭ ىشىندە وتانىمىز – يتاليا ءۇشىن وڭاي ءتيىپ وتىرعان جوق. بىراق، سوندا دا ەڭسەمىزدى تۇسىرمەي، الداعى جاقسى كۇندەرىمىزگە زور سەنىم ارتا وتىرىپ، «لا سكالا» تەاترىنىڭ قويىلىمدارىن ءسۇيىپ تاماشالايتىن كورەرمەندەرىمىزدىڭ نازارىنا سوڭعى جىلداردا تاسپاعا جازىلىپ الىنعان بىرنەشە ۇزدىك سپەكتاكلىمىزدى ۇسىنساق دەيمىز. كوپ ۇزاماي الەم حالقى باسقا تۇسكەن بۇل سىناقتى ءسوزسىز جەڭىپ شىعىپ، بۇرىنعىداي تەاترىمىزدىڭ تورىندە قايتا قاۋىشامىز دەپ سەنەمىز. سول كۇنگە اسىعامىز، – دەپ تەاتردىڭ رەسمي سايتىندا «لا سكالا» تەاترىنىڭ ديرەكتورى  دومينيكا مەيەرا ءوز پىكىرىن قالدىرىپ، بارشا كورەرمەنگە اماندىق پەن جاقسى كوڭىل-كۇي، قىزىقتى كورسەتىلىم تىلەدى. 

ەندەشە، سىزدەر دە ونەردىڭ مۇنداي تاماشا تارتۋىنان قاپى قالماڭىزدار!  

 

 

 

سوڭعى جاڭالىقتار

الماتىدا جەر سىلكىندى

قازاقستان • بۇگىن، 16:48

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

ۇقساس جاڭالىقتار