جوبا بويىنشا جۇمىس وتكەن جىلى شىلدەدە باستالدى. وسى ۋاقىت ارالىعىندا جولشىلار قۇمدى-قيىرشىق تاستى قوسپالاردان ۇزىندىعى 550 مەتر بولاتىن جول نەگىزى مەن جابىندىسىن توسەپ, ارىق ناۋالارىن ۇيىمداستىرۋ جۇمىستارىن جۇرگىزدى. قۇرىلىس الاڭىنىڭ اۋماعىن ۋاقىتشا قورشادى.
جوبا بۇقتىرما كوشەسىنىڭ بويىندا ۇزىندىعى 570 مەتردى قۇرايتىن ۇڭگىرتاۋى, قۇلجا تاس جولىندا ۇزىندىعى 783 مەتر بولاتىن ەستاكاداسى جانە وسى كوشەلەر قيىلىسىندا اينالما قوزعالىستى ۇيىمداستىرۋعا ارنالعان رامپا بولىگى بار ءۇش دەڭگەيلى جول ايىرىعى قۇرىلىسىن قاراستىرادى.
جوبانىڭ باس مەردىگەرى – «Bazis Construction» جشس. قۇنى – 20,2 ملرد تەڭگە. جولايىرىق الماتىنىڭ سولتۇستىك-شىعىس بولىگىنە تۇسىرىلەتىن جۇكتەمەنى ازايتادى. قۇرىلىس جۇمىستارى ناتيجەسىندە جولدىڭ وتكىزۋ مۇمكىندىگى 15–20% ارتادى. كەلىسىمشارتقا سايكەس جۇمىستار 2022 جىلعى اقپاندا اياقتالادى دەپ جوسپارلانعان.
ەسكە سالا كەتەيىك, قۇلجا تاس جولى مەن رىسقۇلوۆ كوشەسى قيىلىسىنداعى جولايىرىعى 2019 جىلدىڭ جەلتوقسان ايىندا پايدالانۋعا بەرىلدى. اتالعان جوبانىڭ باس مەردىگەرى «Bazis Construction» جشس بولدى. قۇنى 20,3 ملرد تەڭگەنى قۇرادى. ەكى دەڭگەيلى جولايىرىعى قاۋىپسىزدىك پەن سەيسميكالىقتىڭ جوعارى دەڭگەيلى ستاندارتتارىنا ساي ەكەنىن ايتا كەتۋ كەرەك.
