«قازاقستان» تەلەراديوكورپوراتسياسى ءباسپاسوز قىزمەتىنىڭ مالىمەتىنشە, ۇلتتىق ارنا ەشقاشان وزەكتىلىگىن جويمايتىن, ادام بالاسىنا ءتان ءمولدىر سەزىمدى وزەك ەتكەن شىعارمانى كينو تىلىندە سويلەتۋدى ماقسات ەتىپ وتىر. تەلەحيكايا وقيعاسى مايداننان امان ورالعان ارداگەر جازۋشىنىڭ بەيبىت ومىردەگى تىنىس-تىرشىلىگىنەن باستاۋ الادى. باس كەيىپكەر ەربول وبرازى ارقىلى قازاق جاۋىنگەرلەرىنىڭ ەرلىگى مەن شىنايى ماحاببات سەزىمى باياندالاتىن بولادى.
⠀
ەلىمىزدە جاريالانعان توتەنشە جاعدايعا بايلانىستى 20 بولىمنەن تۇراتىن كوركەم فيلمگە اكتەرلەردى تاڭداۋ ونلاين كاستينگ ارقىلى جۇرگىزىلەدى. تەلەحيكايا كەيىپكەرلەرى 5 پەن 70 جاس ارالىعىن قامتيدى.
⠀
كاستينگكە قاتىسۋ تۋرالى وتىنىشتەر www.cinexus.kz سايتى ارقىلى قابىلدانادى.
