ءبىلىم • 25 ناۋرىز، 2020

قىزدار ۋنيۆەرسيتەتىندە 810 ءپان ونلاين وقىتىلۋدا

36 رەتكورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ وقىتۋشىلارى الەۋمەتتىك جەلىدەگى جەكە پاراقشالارىندا قاشىقتان وقىتۋ تەحنولوگياسى بويىنشا اتقارىپ جاتقان جۇمىستارىن پوست ارقىلى تۇراقتى جاريالاماق.

اتاپ ايتقاندا، ەلىمىزدەگى ىرگەلى پەداگوگيكالىق وقۋ ورنىنىڭ ۇستازدارى ءوز جازبالارىندا ستۋدەنتتەردىڭ تاپسىرمالارىن تەكسەرۋىن، وقۋ ماتەريالدارى مەن تەست تاپسىرمالارىن ونلاين تۇردە ءبىلىم الۋشىعا جەتكىزۋ شەبەرلىگىن ەگجەي-تەگجەيلى جازىپ وتىرادى.

بۇل تۋرالى قىزدار ۋنيۆەرسيتەتىنىڭ الەۋمەتتىك جەلىدەگى رەسمي پاراقشالارىندا ناقتى ايتىلدى.

سونىمەن قاتار ءبىلىم ورداسىنىڭ ءاربىر ستۋدەنتى الەۋمەتتىك جەلىدەگى ءوز پاراقشاسىنا ونلاين وقىتۋ تەحنولوگياسى بويىنشا العان اسەرى تۋرالى، ساباققا دايىندالۋ بارىسى جايلى، وقىتۋشىلاردىڭ ءبىلىم بەرۋى تۋراسىندا جانە ونلاين ءبىلىم الۋدىڭ وزىندىك ەرەكشەلىگى جايىندا پىكىرلەرىمەن ءبولىسىپ وتىرماق.

ءوز كەزەگىندە وقۋ ورنىنىڭ ءباسپاسوز قىزمەتى ارنايى حەشتەگتەر ارقىلى جەلىدە جاريالانعان جازبالاردى، بەينە جانە فوتو ماتەريالداردى ساراپتاپ، تالداۋ جاسايدى.

وسى ورايدا ايتا كەتەيىك، قازاق ۇلتتىق قىزدار پەداگوگيكالىق ۋنيۆەرسيتەتى قاشىقتان وقىتۋ تەحنولوگياسىن پايدالانا وتىرىپ ءبىلىم بەرۋدى ءتيىستى دەڭگەيدە اتقارىپ كەلەدى.

«ۋنيۆەرسيتەت 7 جىلدان بەرى اتالعان تەحنولوگيا بويىنشا جۇمىس ىستەيدى. ياعني، بۇل – قاشىقتان وقىتۋ تەحنولوگياسى بويىنشا پروفەسسور-وقىتۋشىلاردىڭ تاجىريبەسى بار دەگەن ءسوز. بۇگىندە ۋنيۆەرسيتەت اۋماعىنداعى ينتەرنەتتىڭ جىلدامدىعى 305مب/س. عالامتور جەلىسىنە قوسىلعان ارنايى كومپيۋتەرلىك سىنىپتار دايارلانعان. سونىمەن قاتار ءبىلىم ورداسىنا تيەسىلى بارلىق جاتاقحانالارداعى كومپيۋتەرلىك سىنىپتار دا ينتەرنەتكە قوسىلعان. قازىرگى كۇندە قىزدار ۋنيۆەرسيتەتىندە قاشىقتان وقىتۋ تەحنولوگياسى ارقىلى 810 ءپان وقىتىلۋدا. ول باكالاۆرياتتىڭ 2879، ماگيستراتۋرانىڭ 380 جانە دوكتورانتۋرانىڭ 58 ءبىلىم الۋشىسىن قامتيدى»، – دەپ اتاپ ءوتتى وقۋ ورنىنىڭ رەسمي وكىلى جاندار اسان.

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار