ەل پرەزيدەنتىنىڭ قازاقستانداعى قىزمەتكەرلەردى 70%-عا دەيىن قاشىقتان جۇمىسقا اۋىستىرۋ تاپسىرماسىنا سايكەس قازاقستانداعى كوپتەگەن كاسىپورىن مەن ۇيىمدار قىزمەتكەرلەردىڭ ءبىر بولىگىن قاشىقتان جۇمىس ىستەۋگە جىبەردى, قالعان بولىگى قىسقارتىلعان كۇن ءتارتىبى بويىنشا جۇمىس ىستەيدى.
وسىنداي جاعدايدا باقىلاۋشى ورگاندار تاراپىنان تەكسەرۋلەر باستالدى جانە ولار كەلگەن كەزدە بارلىق جاۋاپتى قىزمەتكەرلەر جۇمىس ورنىندا بولمايدى, ال كەيبىر وبەكتىلەر جابىق.
سونداي-اق كاسىپكەرلەر مەملەكەتتىك ينسپەكتورلاردىڭ وزدەرى اۋرۋدى تاسىمالداۋشى بولۋى مۇمكىن دەپ قاۋىپتەنەدى. وسى ماسەلەگە قاتىستى كاسىپكەرلەردە كوپتەگەن سۇراق تۋىندادى. بيزنەس-ومبۋدسمەننىڭ اتىنا جانە «اتامەكەن» ۇلتتىق كاسىپكەرلەر پالاتاسىنا كاسىپكەرلەردەن كوپتەگەن شاعىم ءتۇسىپ جاتىر.
بۇل رەتتە ورتكە قارسى قاۋىپسىزدىك ورگاندارى سياقتى كەيبىر مەملەكەتتىك ورگاندار ءۇي-ءۇيدى ارالاۋ, ۇسىنىمداردى تاراتۋ جانە حالىق اراسىندا وقىتۋ جۇرگىزۋدى توقتاتا تۇرعانىن, ال كاسىپكەرلىك سۋبەكتىلەرىنە قاتىستى وسىنداي شارالار قابىلدانباعانىن اتاپ ءوتۋ قاجەت, بىراق ءدال وسى باقىلاۋ سۋبەكتىلەرى جابىلىپ, قىزمەتكەرلەردى بوساتىپ, ءوز قىزمەتىن توتەنشە جاعداي رەجىمىندە وڭتايلاندىرىپ جاتىر.
«سونىمەن قاتار كارانتين تالاپتارىنىڭ ورىندالۋىن باقىلاۋمەن تىكەلەي بايلانىستى تەكسەرۋلەر, سونداي-اق حالىقتىڭ ءومىرى مەن دەنساۋلىعىنا, قورشاعان ورتاعا, زاڭدىلىق پەن قوعامدىق تارتىپكە جاپپاي قاۋىپ توندىرەتىن بۇزۋشىلىقتاردىڭ الدىن الۋعا جانە جويۋعا باعىتتالعان تەكسەرۋلەر تولىق كولەمدە جۇرگىزىلەتىنىن اتاپ وتكىم كەلەدى», دەدى ر.ءجۇرسىنوۆ.
