«مەملەكەت باسشىسى قاسىم-جومارت توقاەۆ بىرقاتار ماڭىزدى جانە الەۋمەتتىك شارالاردى قابىلداۋدى تاپسىردى.
بىرىنشىدەن,ءبىز ادامدار كوپ جينالاتىن بارلىق نىسانداردىڭ قىزمەتىن شەكتەپ, حقكو-لاردى ونلاين-جۇمىسقا اۋىستىردىق. ازىق – ت ۇلىك دۇكەندەرى مەن ءدارىحانالار عانا جۇمىس ىستەپ جاتىر.
ەكىنشىدەن, ەلورداعا كىرۋگە دە, شىعۋعا دا تىيىم سالىندى. قالا اۋماعى بويىنشا وتكىزۋ-باقىلاۋ بەكەتتەرى ورناتىلدى. تارتىپبۇزعاندار قاتاڭ تۇردە جازالانادى. وسى ارالىقتا كارانتين رەجيمىن ساقتاماعانى ءۇشىن 80-گە جۋىق ادام جاۋاپكەرشىلىككە تارتىلدى.
ۇشىنشىدەن, بارلىق اۋەجولاۋشىلار كوروناۆيرۋسقا تەست تاپسىرادى.
تورتىنشىدەن, بۇل ىندەتتى جاسى ۇلكەن, سوزىلمالى دەرتتەرى بار ازاماتتار كوتەرە الماي جاتىر. ديسپانسەرلىك ەسەپتە تۇرعان جانە امبۋلاتوريالىق ءدارى-دارمەكپەن قامتاماسىز ەتىلىپ جاتقان قارت ادامدارعا ikomek ارقىلى ۇيگە ءدارى-دارمەك, قاجەتتى قورعانىس قۇرالدارىن جەتكىزۋ جۇمىستارىن ۇيىمداستىرامىز. سونداي-اق الەۋمەتتىك از قامتىلعان وتباسىلارعا كەپىلدى الەۋمەتتىك كومەكتى ۇيلەرىنە جەتكىزەمىز. بارلىق شارالار تۇرعىنداردىڭ قاۋىپسىزدىگىن قامتاماسىز ەتۋگە باعىتتالعان. قاجەتسىز ۇيدەن شىقپاۋ قاجەت.
بەسىنشىدەن,«فارماتسيا» سق بىرلەسىپ دارىحانالارعا مەديتسينالىق ماسكالار مەن انتيسەپتيكتەردى اكەلۋ بويىنشا جۇمىستاردى تۇراقتى نەگىزدە جۇرگىزەمىز. ءبىر اپتا ىشىندە 650 مىڭنان استام مەديتسينالىق ماسكا اكەلىندى. قوسىمشا ءالى دە اكەلىنەدى. بارلىق مەديتسينا جانە پوليتسيا قىزمەتكەرلەرى, الەۋمەتتىك نىسانداردا جاسايتىن جۇمىسشىلار ماسكالارمەن قامتاماسىز ەتىلدى.
ەلباسىنىڭ تاپسىرماسىنا سايكەس تۇڭعىش پرەزيدەنت قورى مەن Nur Otan پارتياسى 175 ملن تەڭگە ءبولدى. سونىمەن قاتار, قوسىمشا ماسكالار ءبولىندى», - دەدى قالا اكىمى التاي كولگىنوۆ. مەملەكەت باسشىلىعىنىڭ تاپسىرماسىنا سايكەس مەديتسينا جانە پوليتسيا قىزمەتكەرلەرى, كوروناۆيرۋس ىندەتىنە قارسى كۇرەس شارالارىنا تارتىلعان باسقا دا ماماندار ناۋرىز ايىنىڭ سوڭىنا دەيىن سىياقى الادى.
بۇدان باسقا, قالادا دەزينفەكتسيا شارالارى كۇشەيتىلدى. دەزينفەكتسيا اۋەجايدا, ۆوكزالداردا, ساۋدا ويىن-ساۋىق ورتالىقتارىندا, بازارلاردا, الەۋمەتتىك نىسانداردا, سونداي-اق اۆتوبۋستاردا, تۇرعىن ۇيلەردىڭ كىرەبەرىستەرىندە, ايالدامالاردا جانە ت. ب. جۇرگىزىلىپ جاتىر. ەلوردادا ماسكالاردى, قولعاپتاردى جانە باسقا دا قورعانىس قۇرالدارىن جيناۋ جانە كادەگە جاراتۋ ءۇشىن ارنايى كونتەينەرلەر ورناتىلدى.
