ۇكىمەت • 24 ناۋرىز، 2020

ۇكىمەتتە مەملەكەت باسشىسىنىڭ تاپسىرماسىن ىسكە اسىرۋ شارالارى قارالدى

15 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن كەڭەستە مەملەكەت باسشىسى قاسىم-جومارت توقاەۆتىڭ قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ شارالارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءا. سمايىلوۆ، ۇلتتىق بانك توراعاسى ە. دوساەۆ، قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى م. ابىلقاسىموۆا، ۇلتتىق ەكونوميكا ءمينيسترى ر. دالەنوۆ، دەنساۋلىق ساقتاۋ ءمينيسترى ە. ءبىرتانوۆ، ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ جانە مەملەكەتتىك ورگانداردىڭ باسقا دا باسشىلارى بايانداما جاسادى. 

كەڭەسكە قاتىسۋشىلار 2020 جىلعا ارنالعان بيۋدجەت پارامەترلەرىن جانە مەملەكەتتىك ساتىپ الۋ سالاسىندا قابىلدانىپ جاتقان شارالاردى تالقىلادى، ونىڭ ىشىندە وتاندىق تاۋار وندىرۋشىلەردىڭ ءتىزىلىمىن جاساۋ جانە ارنايى مەملەكەتتىك ساتىپ الۋ رەجيمىن ەنگىزۋ، قامتاماسىز ەتۋ جارناسىن نەمەسە بانك كەپىلدەمەسىن ۇسىنۋ قاجەتتىگىن الىپ تاستاۋ بولدى. 

ۆاليۋتا نارىعىن تۇراقتاندىرۋ، ىسكەرلىك بەلسەندىلىكتى سالىقتىق ىنتالاندىرۋ، نەسيەلەر بويىنشا نەگىزگى قارىز سوماسىن جانە سىياقى تولەۋدى توقتاتا تۇرۋ، جۇمىس بەرۋشىلەردى، اسىرەسە، شوب-تى قولداۋ، ازىق-ت ۇلىك قاۋىپسىزدىگى مەن باعا تۇراقتىلىعىن قامتاماسىز ەتۋ، توتەنشە جاعدايدىڭ ەنگىزىلۋىنە بايلانىستى تابىسىنان ايىرىلعان تۇلعالارعا الەۋمەتتىك تولەم جاساۋ، حالىقتىڭ الەۋمەتتىك ءالجۋاز توپتارى ءۇشىن تەگىن ازىق-ت ۇلىك جيىنتىعىن ۇلەستىرۋ، جۇمىسپەن قامتۋدى قامتاماسىز ەتۋ، سونداي-اق كارانتين كەزەڭىندە كوممۋنالدىق قىزمەتتەرگە تولەمدەردى تومەندەتۋ شارالارى قاراستىرىلدى.

تەست جۇيەلەرىمەن، وكپەنى جاساندى تىنىس الدىرۋ قۇرىلعىلارىمەن، ءدارى-دارمەكتەرمەن جانە جەكە قورعانىش قۇرالدارىمەن قامتاماسىز ەتۋ ماسەلەسىنە ەرەكشە كوڭىل ءبولىندى.   

پرەمەر-مينيستر ۇكىمەتتىڭ قىسقا مەرزىم ىشىندە 2020-2024 جىلدارعا ارنالعان ەلدىڭ الەۋمەتتىك-ەكونوميكالىق دامۋ بولجامىنا جانە 2020-2022 جىلدارعا ارنالعان رەسپۋبليكالىق بيۋدجەتكە ناقتىلاۋ ەنگىزەتىنىن اتاپ ءوتتى. 

ۇكىمەت باسشىسى مەملەكەت باسشىسىنىڭ تاپسىرمالارىن ءتيىمدى ءارى جەدەل ىسكە اسىرۋ بويىنشا ناقتى شارالاردى قابىلداۋدى تاپسىردى. 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار