استانانىڭ «استانا» ۆەلوكومانداسى بۇرناعى كۇنى يسپانيادا ءوتىپ جاتقان ايگىلى «ۆۋەلتا» كوپكۇندىگىنىڭ ءبىرىنشى كەزەڭىندەگى جەكە سورە الاتىن كوماندالىق جارىسىندا جەڭىسكە جەتتى.
ءبىزدىڭ جەرلەستەرىمىز ۆيليانۋەۆا-دە-اروسا - سانحەنحو قالالارى ارالىعىنداعى 27 شاقىرىمنان تۇراتىن بۇل قاشىقتىقتى 29 مينۋت 59 سەكۋندتا ءجۇرىپ ءوتتى. وسىلايشا جارتى ساعاتقا جەتپەيتىن مەرزىمدە مارەگە ءبىرىنشى بولىپ كەلگەن استانالىقتار الامانندى تابىستى باستادى. ەكىنشى ورىنعا «RadioShack-Leopard», ءۇشىنشى ورىنعا «Omega Pharma-Quick-Step» كوماندالارى جايعاستى.
كوپكۇندىكتىڭ ءبىرىنشى كەزەڭىندەگى بۇل جەڭىستى «استانا» كومانداسىنا ونىڭ يانەز برايكوۆيچ (سلوۆەنيا), ۆينچەنتسو نيبالي, پاولو تيرالونگو (ەكەۋى دە – يتاليا), ياكوب فۋلسان (دانيا), اندرەي گريۆكو (ۋكراينا) جانە تانەل كانگەرت (ەستونيا) سىندى ۆەلوشاباندوزدارى الىپ بەردى.
ال كەشە ەكىنشى كەزەڭنىڭ جارىسى دا بولىپ ءوتتى. ول پونتەۆەدرا - التو دو مونتە دا گروبا ەلدى مەكەندەرىنىڭ اراسىن جالعادى. ۇزىندىعى 177,7 شاقىرىمعا سوزىلعان بۇل ارالىقتا ليۋكسەمبۋرگتىڭ «Saxo-Tinkoff» كومانداسىنداعى يرلاند جۇيرىگى نيكولاس روچ توپ جاردى. الايدا, ەكى كۇننىڭ قورىتىندىسى بويىنشا «استانا» كومانداسىنىڭ مۇشەسى ۆينتسەنتسو نيبالي 5:05:22 كورسەتكىشىمەن ءبىرىنشى ورىنعا شىقتى.
دامير قوجامقۇل.
