اقش پرەزيدەنتى باراك وباما مەن ۇلىبريتانيانىڭ پرەمەر-ءمينيسترى دەۆيد كەمەرون سيريانىڭ توڭىرەگىندە قالىپتاسىپ وتىرعان احۋالدى ءسوز ەتتى. بۇل تۋرالى Interfax.Ru حابارلادى.
اقش پرەزيدەنتى باراك وباما مەن ۇلىبريتانيا پرەمەر-ءمينيسترى دەۆيد كەمەرون تەلەفون ارقىلى حابارلاسىپ, داماسكىنىڭ تۇبىندە حيميالىق قارۋدىڭ قولدانىلعان بولۋى ىقتيمالدىعى جاعدايىن تالقىلادى. بريتانيا سىرتقى ىستەر مينيسترلىگىنىڭ دەرەگىنە سىلتەمە جاساعان ۆۆس ەكى ليدەردىڭ سويلەسۋى 40 مينۋتقا سوزىلعانىن العا تارتادى. ەكى ەلدىڭ باسشىسى 21 تامىز كۇنى داماسكىنىڭ تۇبىندە ورىن العان احۋالعا قاتتى الاڭداۋشىلىق بىلدىرگەن.
وسى اپتادا سيريا ب ۇلىكشىلەرى ۇكىمەت اسكەرلەرىن حيميالىق قارۋ قولداندى دەپ ايىپتادى. سيريانىڭ رەسمي تۇلعالارى بۇل ايىپتاۋدى جوققا شىعارىپ وتىر. وسىنىڭ الدىندا ۇكىمەت اسكەرلەرى كوتەرىلىسشىلەرگە قارسى وپەراتسياسىن باستاپ, ولاردى شام شاھارى تۇبىنەن الاستاۋعا كۇش سالدى.
سۇلتان بوزايعىر.
