الەم • 23 ناۋرىز، 2020

يتاليا بيلىگى توتەنشە ەكونوميكالىق جاعداي رەجيمىن ەنگىزدى

77 رەتكورسەتىلدى

يتاليادا توتەنشە ەكونوميكالىق جاعدايعا بايلانىستى ءدارىحانالار مەن ازىق-ت ۇلىك دۇكەندەرىنەن باسقا بارلىق ورىندار جابىق. فابريكالاردان ءبىرىنشى كەزەكتەگى قاجەتتى ونىمدەردى وندىرەتىن زاۋىتتار عانا جۇمىس ىستەيدى. 

سوندىقتان ەلدە ادام قوزعالىسى ازايدى. قوعامدىق كولىك جۇمىسى 75%- عا قىسقارتىلىپ، تەمىر جول قاتىناسى شەكتەلدى.

قازىر كوروناۆيرۋستىڭ تارالۋ سانى بويىنشا يتاليا كوش باستاپ تۇر. مۇندا ىندەتتەن كوز جۇمعاندار سانى قىتايدىڭ كورسەتكىشىنەن اسىپ ءتۇستى. وتكەن تاۋلىكتە يتاليادا 651 ناۋقاس قايتىس بولدى. كوروناۆيرۋس قۇرباندارىنىڭ جالپى سانى 5500-گە جۋىق.

ء«بىز ۆيرۋستىڭ ودان ءارى تارالماۋى ءۇشىن قاجەتتى شارالاردى كۇشەيتۋىمىز قاجەت»، دەدى يتاليانىڭ ازاماتتىق قورعانىس باسشىسى اندجەلو بورەللي.

بىراق ساراپشىلاردىڭ پىكىرىنشە، يتاليا بۇل ىندەتتى ءوز بەتىنشە جەڭە المايدى. بارلىعى، سونىڭ ىشىندە ارميا جۇمىلدىرىلعان، بىراق بۇل جەتكىلىكسىز.

يتالياندىق اۋرۋحانالاردىڭ مەديتسينالىق قىزمەتكەرلەرىنىڭ شامامەن 20%-ى ۆيرۋس جۇقتىرعان. دارىگەرلەردىڭ جەتىسپەۋشىلىگى بايقالۋدا. وسىعان بايلانىستى يتالياعا بىرقاتار مەملەكەت كومەك قولىن سوزاتىن بولدى. سونىڭ ىشىندە رەسەي اسكەري مەديتسينا قىزمەتكەرلەرىن جىبەرەتىنىن حابارلادى. سونداي-اق وتكەن دەمالىس كۇندەرى لومباردياعا كۋبادان دارىگەرلەر بريگاداسى كەلدى. 

سوڭعى جاڭالىقتار

ۇقساس جاڭالىقتار