ءۇرجار اۋدانى, ماقانشى اۋىلىنىڭ تۇرعىنى, كوپبالالى انا رىسالدى مۇحامەتقاليەۆا باستاعان انالار قاۋىمى كوپشىلىك قاۋىمعا ۇلگى كورسەتىپ, كوروناۆيرۋستىق ينفەكتسيانىڭ الدىن الۋ ماقساتىندا بىرنەشە مارتە پايدالانۋعا بولاتىن ماسكالار تىگىپ بەرەتىندىندەرىن ايتقان. انالاردىڭ بۇل ۇسىنىسىنا اۋدان اكىمدىگى بىردەن قولداۋ ءبىلدىردى.
تىگىلگەن بەتپەردەلەر اۋدانداعى الەۋمەتتىك جاعىنان از قامتىلعان انالار مەن زەينەتكەرلەرگە تەگىن بەرىلمەك. «ەلىمىزگە كەلگەن مۇنداي ۋاقىتشا سىناقتى بىرگە ەڭسەرەمىز. تەك اۋىزبىرشىلىگىمىز بۇزىلماسىن», - دەيدى كوپبالالى انا.
قازىرگى تاڭدا ماقانشى وڭىرىندە رىسالدى باستاعان كوپبالالى انالار بەتپەردە تىگۋ جۇمىستارىن باستاپ كەتتى. جالپى, اۋداندا كوروناۆيرۋستىق ينفەكتسيانىڭ الدىن-الۋ بويىنشا شۇعىل ارەكەت ەتۋ توپتارى قۇرىلىپ, بارلىق قاۋىپسىزدىك شارالارى قولعا الىنىپ, جۇزەگە اسىرۋدا.
