وبلىستاعى ءورىسى مالعا تولى ءوڭىردىڭ ءبىرى – كەگەن اۋدانى. وسىدان ەكى جىل بۇرىن رايىمبەك اۋدانىنا ەنشى بەرىپ, ءوز الدىنا جەكە دارا قالعان كەگەندە كەلەلى ءىس جالعاسىپ جاتىر ەكەن. ءبىزدى ءتورت ت ۇلىك تۇياعىنىڭ كوبەيگەنى قۋانتتى. ماسەلەن, وتكەن جىلى اۋدانداعى ءىرى قارا مالى 50 894 باسقا, جىلقى سانى 28 468 باسقا جانە قوي مەن ەشكى ۇلەسى 199 869 باسقا جەتىپتى.
مال باسى وسكەن جەردە ودان الىناتىن ءونىم كولەمى دە كوبەيەتىنى تۇسىنىكتى. اسىرەسە, نارىققا تابيعي ساپاسى جوعارى ەت ءونىمىن شىعارۋ سۇرانىسقا ساي ەكەن. دەرەككە كوز سالساق, بىلتىر كەگەندىك شارۋالار سالماعى 15 800 توننا بولاتىن مال بازارلاپتى. جينالعان ءسۇتتىڭ كولەمى 25 010 تونناعا جەتكەن. كەگەن دالاسىنداعى ءشوپتى جەپ وسكەن ءتورت ت ۇلىكتىڭ ەتى ىشكى نارىقتان اسىپ, شەتەلگە شىعا باستاعان. وڭىردەگى «M.P.S.» جاۋاپكەرشىلىگى شەكتەۋلى سەرىكتەستىگى يرانعا 80 توننا جانە قىتايعا 280 توننا ءىرى قارا ەتىن ەكسپورتتاپتى. ءسويتىپ, ەكسپورت جوسپارى 180 پايىزعا ورىندالعان.
قازىر مالدىڭ باسىن كوبەيتە بەرۋدىڭ ماڭىزى از. نەعۇرلىم اسىل تۇقىمدى, ەت پەن ءسۇتتى مولىنان بەرەتىن مال باسىن كوبەيتكەن ابزال. شارۋالار دا مۇنى جاقسى تۇسىنەدى. اۋدانداعى «كازمياسو» جاۋاپكەرشىلىگى شەكتەۋلى سەرىكتەستىگى بىلتىر اۆستراليا مەملەكەتىنەن 1,4 ميلليارد تەڭگەگە 1 500 باس اسىل تۇقىمدى «ابەردين انگۋس» سيىرىن ساتىپ اكەلدى.
- مال باسىن كوبەيتىپ, تۇقىمىن اسىلداندىرۋ ءىسى جالعاستىرا بەرەمىز. بۇل بىزگە اۋدانداعى ەت, ءسۇت ءوندىرىسىن وركەندەتۋگە جول اشادى. بيىل «تالاس» اۋىلشارۋاشىلىعى كووپەراتيۆى 400 باسقا ارنالعان تاۋارلى ءسۇت فەرماسىن اشادى. وسى ماقساتت چەحيادان 60 باس ەتتى ء–سۇتتى باعىتتاعى «سيمەنتال» اسىل تۇقىمدى ءىرى قارا ساتىپ الدى. بۇعان 51 ميلليون تەڭگە جۇمسادى. جاقىندا جىلىساي اۋىلدىق وكرۋگىندە 1500 باس قويعا ارنالعان مال بورداقىلاۋ الاڭى ءوز جۇمىسىن باستادى. مال باسىن كوبەيتۋ دە باستى نازاردا. شارۋا قوجالىقتارى «سىباعا» ,«يگىلىك» باعدارلاماسى اياسىندا جالپى قۇنى 83 230 000 تەڭگە بولاتىن 4 161 باس قوي ساتىپ الدى. جانە 33 ميلليون تەڭگەگە 167 باس ءىرى قارا, 34 ميلليون تەڭگەگە 115 باس جىلقى اكەلىپ, ورىستەرىن كەڭەيتىپ وتىر, - دەيدى كەگەن اۋدانىنىڭ اكىمى تالعات بايەدىلوۆ.
الماتى وبلىسى
