م.گوركي اتىنداعى مەملەكەتتىك اكادەميالىق ورىس دراما تەاترى تاياۋدا باستالعان #BizBirgemiz چەللەندجىن قولداپ, بۇگىن تىگىن تسەحى جۇمىس ورىندارىندا 100-دەن اسا مەد.بەتپەردە تىگىپ, تەاتر ارتىستەرى ەكاتەرينا ماكسيم جانە دانيل حومكو قالا تۇرعىندارىنا تەگىن تاراتىپ بەردى. بۇل تۋرالى تەاتردىڭ ءباسپاسوز قىزمەتى حابارلادى.
ازاماتتار وتكىزىلىپ جاتقان اكتسياعا سەنبەۋشىلىك تانىتقان ەدى. الايدا, سۇيىكتى ارتىستەرىن تانىپ, ۇسىنىلعان بۇيىمداردى قۋانا قابىل الدى.
ايتا كەتۋ كەرەك, تەاتر تىگىنشىلەرى ءوز ارىپتەستەرىن دە ۇمىتقان ەمەس. ولارعا دا بەتپەردە تىگىلىپ, ىستىق بۋمەن وڭدەلگەن سوڭ, گەرمەتيكالىق پاكەتكە وراتىلدى.
اكتسيا اياقتالعان سوڭ تەاترىمىزدىڭ تۇراقتى كورەرمەندەرى اكىمشىلىككە العىستارىن جەتكىزدى. تەاتردىڭ كوپ جىلدان بەرى كورەرمەنى مارينا دوسانوۆانىڭ ايتۋىنشا, ەلدە قانداي قيىندىق بولعاندا دا, ارتىستەر ونى جەڭىپ شىعۋعا ۇلەستەرىن قوسۋعا دايىن تۇرعان, ءالى دە دايىن تۇر. ول تابيعي اپات, توتەنشە جاعداي, ءتىپتى سوعىس قيمىلدارى بولسا دا, شىعارماشىلىق ادامدار قالىس قالعان ەمەس. تەاتر قىزمەتكەرلەرى بۇل چەللەندج قالا تۇرعىندارى اراسىندا قولداۋ تاپسا, قايتالاۋعا دايىن ەكەندەرىن جەتكىزدى.
ەسكە سالا كەتەيىك, پرەزيدەنت قاسىم-جومارت توقاەۆ ازاماتتارىمىزدىڭ ءوز دەنساۋلىقتارىن كۇتىپ, مەد.بەتپەردە تاعۋ, انتيسەپتيك قولدانۋ مادەنيەتىن ءالى دە ۇيرەتۋ كەرەك ەكەنىن باسا ايتتى جانە وسىنى قىسقا مەرزىمدە ورىنداۋ مىندەتىن ەل ۇكىمەتىنە جۇكتەدى.
