ايماقتار • 22 ناۋرىز، 2020

قالا اكىمدىگى تىركەۋ ۋاقىتىن قىسقارتۋعا مۇمكىندىك بەرەتىن ءموبيلدى قوسىمشانى ىسكە قوستى

34 رەتكورسەتىلدى

ەلوردا اكىمدىگى ورناتىلعان بەكەتتەردەگى تىركەۋ ۋاقىتىن ايتارلىقتاي قىسقارتۋ جانە كوشى-قون اعىندارىن باقىلاۋ ماقساتىندا «سەرگەك:بلوكپوست» ءموبيلدى قوسىمشاسىن دايىندادى. قوسىمشا پوليتسيا قىزمەتكەرلەرىنىڭ پلانشەتتەرىنە ورناتىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

كولىكتەر مەن ەلدى-مەكەندەر اراسىندا قاتىنايتىن ادامدارعا تولىق مونيتورينگ جۇرگىزىلەدى. ماسەلەن، قوسىمشا اۆتوكولىكتىڭ قاي قالادان، قاشان جانە قانشا اداممەن شىققانىن كورسەتەدى. سونىمەن قاتار، قوسىمشاعا قالانىڭ تىنىس-تىرشىلىگىن قامتاماسىز ەتەتىن مەكەمەلەردە (جەو، كوممۋنالدىق قىزمەتتەر، تجد) جۇمىس ىستەيتىن قىزمەتكەرلەردىڭ دەرەكتەرى جۇكتەلدى. قىزمەتكەرلەر جۇمىستان ۇيگە قاتىناي الادى. قالاعا ازىق-ت ۇلىك پەن قاجەتتى تاۋارلاردى تاسىمالداۋعا ەش كەدەرگى جوق.

«جاسىل ءدالىز» جۇيەسى جۇمىس ىستەيدى. جۇرگىزۋشىلەر مەن ەكسپەديتورلاردىڭ ماسكالارى، تاۋارعا ىلەسپە قۇجاتتارى، جەكە كۋالىكتەرى، تەحپاسپورت سياقتى قۇجاتتارى بولۋى ءتيىس. كولىكتىڭ قالاعا كەلۋ جانە قالادان شىعۋ ۋاقىتى بەلگىلەنەدى. مارشرۋتتان اۋىتقۋعا جول بەرىلمەيدى. ءاربىر كولىك «سەرگەك:بلوكپوست» قوسىمشاسىندا ونلاين-رەجيمدە باقىلانادى.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار