ناۋرىز, ناۆرۋز نەمەسە نوۆرۋز مەرەكەسى قازاقستان, قىرعىزستان, وزبەكستان جانە وزگە دە ورتا ازيا ەلدەرىنەن بولەك, ازەربايجان, يران, اۋعانستان, يراكتىڭ كۇرد اكىمشىلىك ايماعى, تۇركيا جانە سيريا ەلدەرىندە تويلانادى.
2009 جىلدان باستاپ UNESCO-نىڭ ادامزاتتىڭ مادەني مۇرالارى تىزىمىنە ەنگەن جاڭا جىل مەرەكەسى ءار ەلدە ءتۇرلى داستۇرمەن تويلانادى. بارلىق ەلدە بار ءبىر ۇقساستىق ول – كوپ ادامنىڭ مارە-سارە بولىپ كورىسۋى مەن مەرەكەنىڭ بىرنەشە كۇنگە سوزىلۋى.
الەمنىڭ 160-تان استام ەلىندە تىركەلگەن پاندەميانىڭ كەسىرىنەن بۇل ءداستۇر بيىل جالعاسپايتىن سەكىلدى.
مەرەكە تويلاناتىن ەلدەردىڭ بىرقاتارى قازىر قىتايدان تاراعان ۆيرۋسپەن كۇرەسىپ الەك. ماسەلەن, يراندا جاعداي ۋشىعىپ تۇر. ەلدە 20 610 جاعداي تىركەلسە, مىڭنان استام ناۋقاس ىندەتتەن كوز جۇمعان. ال تۇركيادا 947 جاعداي تىركەلگەن, قازا بولعاندار دا بار. ورتالىق ازيا ەلدەرىنە كەلەر بولساق, ءبىزدىڭ ەلىمىزدە 57 ادام ۆيرۋس جۇقتىرعان, ەل بيلىگى ەلدە توتەنشە جاعداي جاريالاپ, 2 ءىرى قالانى كارانتينگە جاپتى. وزبەكستان بۇگىن ەلدە ۆيرۋس جۇقتىرعاندار سانى 42-گە جەتكەنىن مالىمدەسە, قىرعىزستاندا 14 ادام انىقتالدى.
جوعارىدا ايتىلعان ەلدەر مەن وزگە دە مەملەكەتتەر قازىر شەكارالارىن جاۋىپ, ۆيرۋستى جەڭۋدىڭ جولىن قاراستىرىپ جاتىر.
كورشى ەلدە قىتاي جاڭا جىلىنىڭ قارساڭىندا باستالعان ىندەت, ەندى شىعىس جاڭا جىلىندا بىزگە دە جەتتى.
