«قازىرگى ۋاقىتتا الماتىدا جۇقپالى اۋرۋلار اۋرۋحانالارىندا كوروناۆيرۋستىق ينفەكتسيا راستالعان 22 پاتسيەنت بار. ۇشەۋىنىڭ ءبىرى قالا تۇرعىنى. ول شەتەلدەن كەلگەن ازاماتتارمەن بايلانىستا بولعان. قۇرعاق جوتەل, تاماقتىڭ قىرىلداۋى, كەۋدە تۇسىنىڭ اۋرۋى, قۇلاقتىڭ بىتەلۋى سياقتى سيمپتومدارعا بايلانىستى 18 ناۋرىزدا ودان كوروناۆيرۋسقا لابوراتوريالىق تالداۋلار الىندى. وكىنىشكە وراي, كەشە وڭ ناتيجە الدىق. پاتسيەنت دەرەۋ ستاتسيونارعا وقشاۋلاندى», دەدى تىلەۋحان ابىلداەۆ.
سونداي-اق ول ىندەت جۇقتىرعان ەكىنشى ناۋقاس بەرلين-الماتى چارتەلىك رەيسىنىڭ بورت-سەرىگى ەكەنىن مالىمدەدى.
«كوروناۆيرۋس راستالعان ەكىنشى پاتسيەنت بەرلين-الماتى چارتەلىك رەيسىنىڭ بورت-سەرىگى. ول ۇشىپ كەلگەن كۇننەن باستاپ, ياعني 12 ناۋرىزدان بەرى جۇقپالى اۋرۋلار اۋرۋحاناسىندا كارانتيندە بولدى. سونداي-اق ءۇشىنشى ادام 1997 جىلى تۋعان ەر ادام 19 ناۋرىزدا تۇندە پاريج-مينسك-الماتى رەيسىمەن ۇشىپ كەلگەن. ول پروۆيزورلىق گوسپيتالگە كارانتينگە ءتۇستى. بۇگىن قالالىق جۇقپالى اۋرۋلار اۋرۋحاناسىنا اۋىستىرىلدى», دەدى ول.
ونىڭ ايتۋىنشا, بۇگىنگى كۇنى 20 ناۋقاستىڭ دەنساۋلىق جاعدايى قاناعاتتانارلىق. ال ەكى ادامدا اۋىرلىعى ورتاشا. قازىرگى تاڭدا قالانىڭ پروۆيزورلىق گوسپيتالىندە 696 ادام, ءۇي كارانتينىندە 1108 ادام مەديتسينالىق باقىلاۋدا جاتىر.
