مايكروسوفتتىڭ “Pulse Survey” اتتى سوڭعى زەرتتەۋى اياسىندا ەۋروپا مەن اقش-تاعى 800 دەن استام بيزنەس وكىلدەرى اراسىندا جاساندى ينتەللەكتىنى ەندىرۋ جوسپارلارىنا قاتىستى ساۋالناما جۇرگىزىلگەن. زەرتتەۋ ناتيجەسى قارقىندى دامىپ جاتقان كومپانيا باسشىلارىنىڭ 76%-ى بيزنەستە جاساندى ينتەللەكتىنىڭ كەڭىنەن قولدانىلۋىنا قاتىستى ءوز كوشباسشىلىق داعدىلارىن جەتىلدىرگىسى كەلەتىندىگىن بىلدىرگەن. اتالعان كومپانيالاردىڭ 93,5%-ى كەلەسى ءۇش جىلدا جاساندى ينتەللەكتىگە ينۆەستيتسيا قۇيۋدى كوزدەپ وتىرعان كورىنەدى.
الايدا ستراتەگيانى ازىرلەۋ بارىسىندا بيزنەس كوشباسشىلارى ءوز كومپانيالارىنا جاساندى ينتەللەكتىنى قالاي جانە قايدان ەنگىزۋ قاجەتتىلىگى جايلى بىلمەي جاتادى. ءدال سول سەبەپتى مايكروسوفت جاساندى ينتەللەكت جونىندەگى بيزنەس-مەكتەپتى (Micrososft AI Business School) ىسكە قوسىپ وتىر, ونى https://www.microsoft.com/en-us/ai/ai-business-school سايتىندا تەگىن ءارى ونلاين تۇردە قولدانۋعا بولادى.
بيزنەس كوشباسشىلارىنىڭ بىلىكتىلىگىن كوتەرۋدى كوزدەيتىن بۇل بىرەگەي باعدارلاما جاساندى ينتەللەكت كومەگىمەن بيزنەستى باسقارۋدىڭ ەڭ ماڭىزدى تۇستارىن قامتىپ وتىر. وندا جەتەكشى باسشىلاردىڭ, قارجىلىق ديرەكتورلار مەن ساراپشىلاردىڭ بيزنەستى دامىتۋ ءۇشىن جاساندى ينتەللەكتىنى قولدانۋ بويىنشا جەكە تاجىريبەلەرىنە نەگىزدەلگەن يدەيالارى مەن كەڭەستەرى ساباق تۇرىندە ۇسىنىلعان.
بيزنەس كوشباسشىلارى وزدەرىنە ىڭعايلى قارقىندا كونتەنتكە قول جەتكىزىپ, وزدەرىنە قىزىقتى دەگەن دارىستەردى قاراپ, جاساندى ينتەللەكت كومەگىمەن بيزنەستەگى شىعىنداردى تابىستى تۇردە ازايتىپ, قىزمەت كورسەتۋ ساپاسىن كوتەرە وتىرىپ, ءوز ۇيىمدارىن تۇبەگەيلى تۇردە وزگەرتە العان بۇكىل سالالاردا قىزمەت ەتەتىن باسشىلاردىڭ تاجىريبەسىن تىڭداپ, ونىمەن تانىسا الادى. قازىردىڭ وزىندە پورتالدا جاساندى ينتەللەكت تاقىرىبىندا ءماتىن جانە بەينە تۇرىندەگى ماتەريالداردىڭ, تاقىرىپ اياسىنداعى زەرتتەۋلەردىڭ ۇلكەن كولەمى جاريالانعان. باعدارلاما تۇراقتى تۇردە جاڭا مازمۇندى كونتەنتپەن تولىعىپ تۇرماق.
جاساندى ينتەللەكت ارقىلى ترانسفورماتسيا جاساۋ ءار كومپانيا ءۇشىن جەكە دارا جول بولماق جانە دە ول كليەنتتەردىڭ قويىپ وتىرعان بيزنەس مىندەتتەرىنە تاۋەلدى. وسىلايشا مايكروسوفت كليەنتتەرگە جاساندى ينتەللەكتىنىڭ بۇكىل الەۋەتىن جۇزەگە اسىرىپ, ونى ستراتەگيالىق تۇرعىدا ءىس جۇزىندە قولدانۋعا كومەكتەسۋ ءۇشىن ءوز ۇلەسىن قوسىپ وتىر.
اتالمىش مەكتەپ الەمدەگى ەڭ ءىرى بيزنەس-مەكتەپتەردىڭ ءبىرى سانالاتىن INSEAD كومپانياسىمەن سەرىكتەستىك اياسىندا قۇرىلعان. ول جەتەكشى بيزنەس كوشباسشىلارىنىڭ وقىتۋ ادىستەرىن مايكروسوفت ميسسياسىمەن ءبىرتۇتاس ماقساتقا بىرىكتىرىپ وتىر. كومپانيا وكىلدەرى جوبانىڭ تۇپكى ماقساتى – ۇيىمدار مەن جەكە تۇلعالارعا جاساندى ينتەللەكتىنىڭ الەۋەتىن تولىعىمەن جۇزەگە اسىرۋعا كومەكتەسۋ ەكەنىن مالىمدەدى.
