كينو • 20 ناۋرىز، 2020

دۇنيەنى دۇبىرلەتكەن «دومبىرا»

37 رەتكورسەتىلدى

ناۋرىز ايى ۇلتتىق كينەماتوگرافيامىز ءۇشىن تابىستى باستالدى.  وتاندىق جاس رەجيسسەر رامازان قاليوللانىڭ قىسقامەترلى «دومبىرا» ءفيلمى وسى ايدا قوس بىردەي حالىقارالىق فەستيۆالعا  جولداما الدى.

اتاپ ايتساق، ناۋرىزدىڭ 12-15-ءى كۇندەرى ارالىعىندا رەسەيدىڭ سانكت-پەتەربۋرگ قالاسىندا وتكەن Sensus حالىقارالىق كينوفەستيۆالىنە قاتىسىپ، كينو ماماندارىنىڭ جوعارى باعاسىن السا، 14 ناۋرىزدان 28 ناۋرىزعا دەيىن جالعاساتىن XIX حالىقارالىق Kids First كينوفەستيۆالىنىڭ كونكۋرستىق باعدارلاماسىنا ىرىكتەلىپ، ءدال قازىر سول بايقاۋدا باق سىناۋدا. اتالعان كينوفەستيۆال ءوز كورەرمەندەرىن الەمنىڭ ءىرى ستۋديالارى، جەكەمەنشىك كومپانيالار مەن جاس كينوگەرلەر تۇسىرگەن بالالارعا ارنالعان فيلمدەرمەن تانىستىرادى. Kids Firs بايقاۋىنا قاتىساتىن تۋىندىلار 50-دەن استام الاڭداردا كورسەتىلەدى.

«دومبىرا» ءفيلمىن قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق-نىڭ «دەبيۋت» شىعارماشىلىق-وندىرىستىك بىرلەستىگى  تۇسىرگەن. كارتينانىڭ جەلىسى دومبىرانىڭ قۇلاعىندا ويناپ، ۇلكەن ساحنادا ونەر كورسەتۋدى ارمانداعان اسەت ەسىمدى بالانىڭ ءومىرىن باياندايدى.

ايتا كەتسەك، اتالعان كينوتۋىندى بىلتىر الماتىدا وتكەن IV حالىقارالىق  Baiqonyr ISFF كينوفەستيۆالىنىڭ كونكۋرستان تىس باعدارلاماسىندا كورسەتىلىپ، «برودۆەيدىڭ تاڭداۋى» سىيلىعىن العان. سونداي-اق، بۇل فيلم نيۋ-دەلي قالاسىندا وتكەن VIII حالىقارالىق  قىسقامەتراجدى فيلمدەر كينوفەستيۆالىندە (Delhi Shorts International Film Festival) «ۇزدىك فيلم» جۇلدەسىن دە قوسا جەڭىپ الدى. ەلىمىزدىڭ ابىرويىن الەمدىك دەڭگەيدە اسقاقتاتىپ جۇرگەن وتاندىق كينوتۋىندىنىڭ ءتۇسىرىلىم توبىنا تەك ساتتىلىك تىلەيمىز.  

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار