2020 جىلعى قاڭتار-اقپان ايلارىندا رەسپۋبليكالىق بيۋدجەتتەن مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى تولەۋگە 29 ملرد تەڭگە ءبولىندى.
2020 جىلعى 1 ناۋرىزداعى جاعداي بويىنشا مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلار سانى 523 115 ادامدى, اسىراۋشىسىنان ايرىلۋ جاعدايى بويىنشا – 164 191 ادامدى قۇرادى.
2020 جىلعى 1 ناۋرىزعا مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 43 940 تەڭگەنى, اسىراۋشىسىنان ايرىلۋ جاعدايى بويىنشا – 36 464 تەڭگەنى قۇرادى.
بۇدان باسقا, مىندەتتى الەۋمەتتىك ساقتاندىرۋ جۇيەسىنە قاتىسۋشىلار مەملەكەتتىك الەۋمەتتىك ساقتاندىرۋ قورىنان وسى تولەمدەردى الا الادى.
بۇل قۇقىقتى 2020 جىلعى 1 ناۋرىزداعى جاعداي بويىنشا ەڭبەك ەتۋ قابىلەتىنەن ايىرىلعان – 79 014 ادام, اسىراۋشىسىنان ايىرىلعان – 45 331 ادام پايدالاندى. بۇل رەتتە الەۋمەتتىك تولەمدەردىڭ ورتاشا مولشەرى ەڭبەك ەتۋ قابىلەتىنەن ايىرىلۋ بويىنشا – 24 804 تەڭگەنى, اسىراۋشىسىنان ايىرىلۋ بويىنشا – 24 881 تەڭگەنى قۇرادى.
مەملەكەتتىك الەۋمەتتىك ساقتاندىرۋ قورىنان وسى الەۋمەتتىك تولەمدەردى جۇزەگە اسىرۋعا بارلىعى 6,2 ملرد تەڭگە كوزدەلدى.
