جاۋاپتى ماماننىڭ سوزىنشە, تازالىق جۇمىسى كۇنىنە ەكى رەت تاڭەرتەڭ جانە كەشكى ۋاقىتتاردا جۇرگىزىلەدى. دەزينفەكتسياعا ارنالعان قوسپالاردىڭ ادام دەنساۋلىعىنا ەشقانداي زيانى جوق. سونداي-اق, باسقارما باسشىسىنىڭ ورىنباسارى شاھارداعى بارلىق ءۇي اۋلالارى, بالالار مەن سپورتتىق الاڭقايلار, ساياباقتار, سكۆەرلەر جانە قوقىس جاشىكتەرىن دە دەزينفەكتسيالاۋ جۇمىستارى كۇشەيتىلگەنىن اتاپ ءوتتى.
«قوقىس شىعاراتىن ۇيىمدار كۇندەلىكتى كەستەگە سايكەس قاتتى تۇرمىستىق قالدىقتاردى شىعارۋدا. قالاداعى كونتەينەرلىك الاڭ مەن كونتەينەرلەرگە دەزينفەكتسيا جۇمىستارى كۇشەيتىلگەن تۇردە جۇرگىزىلىپ جاتىر. قۇرمەتتى قالا تۇرعىندارى! سىزدەردىڭ قاۋىپسىزدىكتەرىڭىز ءۇشىن بارلىق پايدالانعان مەديتسينالىق قالدىقتاردى ءارى قاراي زالاسىزداندىرۋ ماقساتىندا بولەك پاكەتتەرگە جيناپ, شىعارۋلارىڭىزدى سۇرايمىز», – دەدى دياس احمەتقاليەۆ.
