بيىل وبلىستاعى باياناۋىل اۋدانىنىڭ مايقايىڭ كەنتىندە, شارباقتى اۋدانىنىڭ ورتالىعىندا جانە وبلىس ورتالىعىنا قاراستى كەنجەكول اۋىلىندا جاڭا مەكتەپتەر بوي كوتەرەدى. ءبىرىنشى قىركۇيەكتەن وقۋشىلار كوپتەن كۇتكەن نازارباەۆ زياتكەرلىك مەكتەبىنىڭ دە تابالدىرىعىنان اتتاماق. بيىل وبلىستا 124 مەكتەپ كۇردەلى جوندەۋدەن ءوتتى.
بيىل وبلىستاعى باياناۋىل اۋدانىنىڭ مايقايىڭ كەنتىندە, شارباقتى اۋدانىنىڭ ورتالىعىندا جانە وبلىس ورتالىعىنا قاراستى كەنجەكول اۋىلىندا جاڭا مەكتەپتەر بوي كوتەرەدى. ءبىرىنشى قىركۇيەكتەن وقۋشىلار كوپتەن كۇتكەن نازارباەۆ زياتكەرلىك مەكتەبىنىڭ دە تابالدىرىعىنان اتتاماق. بيىل وبلىستا 124 مەكتەپ كۇردەلى جوندەۋدەن ءوتتى.
الداعى وقۋ جىلىندا وڭىردە 9700 ءبۇلدىرشىن مەكتەپ تابالدىرىعىن اتتايدى. ۇستازدار قاتارى 547 تۇلەكپەن تولىقتى. ولاردىڭ 413-ءى ەڭبەك جولىن اۋىلدان باستاعالى وتىر. «مەكتەپكە جول» جالپى رەسپۋبليكالىق شاراسى اياسىندا تۇرمىسى تومەن وتباسىلارىنىڭ 4 مىڭنان اسا بالاسى كيىمدەرمەن, وقۋ قۇرالدارىمەن قامتاماسىز ەتىلەدى. مۇنىڭ ءبارى جاقسى, ارينە. الايدا, وقۋشىلار سانىنىڭ ازدىعىنا بايلانىستى بىرقاتار مەكتەپتەردىڭ جابىلىپ قالعانى كوڭىلگە كىربىڭ ۇيالاتادى. ءسويتىپ, 1 قىركۇيەكتە جەلەزينكا اۋدانىنىڭ رازدەلنوە, جامبىل اتىنداعى, ەكىباستۇز اۋىلدىق ايماعىنا قاراستى كوكسيىر, ەرتىس اۋدانىنداعى قوستومار اۋىلدارىنداعى مەكتەپتەردە قوڭىراۋ سوعىلمايتىن بولدى. سونىمەن قاتار, وبلىس ورتالىعىنداعى جەتىم جانە اتا-انانىڭ قامقورلىعىنسىز قالعان بالالارعا ارنالعان مەكتەپ-ينتەرنات تا ءوز جۇمىسىن توقتاتتى. ونىڭ تاربيەلەنۋشىلەرى وسى ساناتتاعى بالالارعا ارنالعان باسقا ينتەرناتتارعا ورنالاستىرىلدى.
مىنە, پاۆلودارلىقتار جاڭا وقۋ جىلىن وسىلاي ءبىر قۋانىش, ءبىر رەنىشپەن قارسى العالى وتىر.
فاريدا بىقاي,
«ەگەمەن قازاقستان».
پاۆلودار.
