«قازمۇنايگاز» بارلاۋ ءوندىرۋ» اق ءو جۇمىسكەرلەرىنىڭ تابىستى ەڭبەك ەتىپ, جۇمىستان بوس ۋاقىتتا سپورتپەن اينالىسىپ, سالاماتتى ءومىر سالتىن ۇستانۋىنا قولداۋ كورسەتىپ كەلەدى. مۇنايشىلار سپورتپەن اينالىسىپ قانا قويماي, ونى ۇلكەن ىنتىماق-بىرلىكتىڭ شاراسى – سپارتاكيادا اۋقىمىنا كوتەرىپ وتىر. وتكەن جىلى «قازمۇنايگاز» بارلاۋ ءوندىرۋ» اق-عا قاراستى, ەنشىلەس جانە بىرلەسكەن كاسىپورىندارى ەڭبەك ۇجىمدارىنىڭ استانادا I سپارتاكياداسى وتكەن بولاتىن. بيىل 19 تامىزدا, ءداستۇرلى سپورت سايىسى, II سپارتاكيادانىڭ تۋى مەن الاۋى جاڭاوزەن قالاسىندا ءامين تۇياقوۆ اتىنداعى ستاديوندا كوتەرىلدى, ەلىمىزدىڭ ءانۇرانى شىرقالدى.
«قازمۇنايگاز» بارلاۋ ءوندىرۋ» اق ءو جۇمىسكەرلەرىنىڭ تابىستى ەڭبەك ەتىپ, جۇمىستان بوس ۋاقىتتا سپورتپەن اينالىسىپ, سالاماتتى ءومىر سالتىن ۇستانۋىنا قولداۋ كورسەتىپ كەلەدى. مۇنايشىلار سپورتپەن اينالىسىپ قانا قويماي, ونى ۇلكەن ىنتىماق-بىرلىكتىڭ شاراسى – سپارتاكيادا اۋقىمىنا كوتەرىپ وتىر. وتكەن جىلى «قازمۇنايگاز» بارلاۋ ءوندىرۋ» اق-عا قاراستى, ەنشىلەس جانە بىرلەسكەن كاسىپورىندارى ەڭبەك ۇجىمدارىنىڭ استانادا I سپارتاكياداسى وتكەن بولاتىن. بيىل 19 تامىزدا, ءداستۇرلى سپورت سايىسى, II سپارتاكيادانىڭ تۋى مەن الاۋى جاڭاوزەن قالاسىندا ءامين تۇياقوۆ اتىنداعى ستاديوندا كوتەرىلدى, ەلىمىزدىڭ ءانۇرانى شىرقالدى.
وتكەن جىلى «وزەنمۇنايگاز» اق مۇنايشىلارى سپارتاكيادا جەڭىمپازى بولعان بولاتىن. سوندىقتان, بيىلعى سپارتاكيادانى ۇيىمداستىرىپ, وتكىزۋدە ۇلكەن ۇجىممەن بىرگە وزەندىك مۇنايشىلار كوپ كۇش سالدى. 19 تامىز كۇنى باستالعان سپارتاكيادا بەس كۇن بويى مۇنايشىلار قالاسىنىڭ كوركىن سپورتتىق سايىستارمەن قىزدىرادى.
«اقمىشتا تۋىپ, اقش-تا جۇلدە العان» جەلاياق, مۇنايلى ماڭعىستاۋ ءوڭىرىنىڭ تۋماسى ءامين تۇياقوۆ اتىنداعى 3 مىڭ ادامعا ارنالعان ستاديون كورەرمەنگە لىق تولدى. ءانشى تامارا اسار, «جورعا» بي توبى ونەرمەن قولداۋ كورسەتىپ, بەلگىلى سپورت كوممەنتاتورى ا.سەيىتحان ۇلى جۇرگىزگەن سپورتتىق شارا جالپى جۇرتشىلىققا مەرەكەلىك كوڭىل-كۇي سىيلاپ, كەشكى سامالدا سەرگي دەمالۋعا مۇمكىندىك بەرگەنىن ايتا كەتۋ كەرەك.
«قازمۇنايگاز» ءبو» اق باس ديرەكتورى ا.نۇرسەيىتوۆ, كسرو سپورت شەبەرى ءا.تۇياقوۆ سايىسقا قاتىسۋشىلاردى قۇتتىقتاپ, ساتتىلىك تىلەدى. «قارا التىن» قامباسىن تولتىرۋ جولىندا قاجىرلى ەڭبەك ەتىپ جۇرگەن مۇنايشىلار تەك قۇرىش بىلەك ەڭبەككەرلەر عانا ەمەس, ەڭبەكتە ىسىلعان, ابدەن شىنىققان سپورتشىلار بولىپ شىقتى. ياعني, سپارتاكياداعا قاتىسۋشى 400-گە تارتا سايىسكەر مۇنايشىلار اراسىندا ءتۇرلى دارەجەدەگى سپورت شەبەرلەرى, سپورت تۇرلەرىنەن الەم, ازيا چەمپيوندارى دا بار. مۇنايلى استانا اتىراۋ وبلىسىنان كەلگەن «ەمبىمۇنايگاز» اق-دا, قىزىلوردا ءوڭىرىنىڭ ابىرويىن ارقالاعان, وتكەن جىلى سپارتاكيادانىڭ 3-ورىن جۇلدەسىن قانجىعاسىنا بوكتەرگەن «قازگەرمۇناي» بك جشس-دە وڭكەي سايدىڭ تاسىنداي ىرىكتەلگەن ساڭلاقتارىن سايىسقا قوسىپتى. مۇنايشى سپورتشىلار قاتارىن ماڭعىستاۋدان «قاراجانباسمۇناي» اق, «وزەنمۇنايگاز» اق, «تەحنولوگيالىق كولىك جانە ۇڭعىمالارعا قىزمەت كورسەتۋ باسقارماسى» جشس, جاڭاوزەندەگى قمگ ءبو ەنشىلەس كاسىپورىندارى جەكە كوماندالار قاتارى كوبەيتتى. مايتالمان مۇنايشىلار اراسىندا سپورتتى سەرىك ەتكەن مىقتىلار دا از ەمەس. مىسالى, «قاراجانباسمۇناي» اق كومانداسىنىڭ قۇرامىندا مۇنايشى, حالىقارالىق دارەجەدەگى سپورت شەبەرى, كەكۋشينكاي-كاراتەدەن ەكى دۇركىن الەم جانە ەۋروپا چەمپيونى, قازاقستان رەسپۋبليكاسىنىڭ 10 دۇركىن چەمپيونى, قويان-قولتىق ۇرىستان ەلىمىزدىڭ چەمپيونى قانات جولداسباەۆ سايىسقا قاتىستى. «وزەنمۇنايگاز» اق تا سپورتشىلارعا كەندە ەمەس. «وزەنمۇنايگاز» اتتى شاعىن فۋتبول كلۋبى بار مەكەمەنىڭ وتكەن جىلى سپارتكيادا جەڭىمپازى بولۋى مۇنداعى سپورت سالاسىنىڭ جولعا قويىلعاندىعىن اڭعارتادى.
– ءبىز مۇنايشىلاردىڭ سپورتپەن اينالىسۋىنا قاجەتتى ينفراقۇرىلىمداردى دامىتۋعا ايرىقشا كوڭىل بولەمىز. كومپانيانىڭ بارلىق ەنشىلەس كومپانيالارى مەن بىرلەسكەن كاسىپورىندارىندا مۇنايشىلارعا جۇمىستان بوس ۋاقىتتا سپورتپەن اينالىسۋعا جاعداي جاسالعان, سونداي-اق, سپورت سايىستارىن وتكىزۋ داستۇرگە اينالعان. مۇنداي شارالار ءبىزدىڭ ءار وبلىستا ەڭبەك ەتىپ جاتقان مىڭداعان قىزمەتكەرلەرىمىزدىڭ ءبىر الاڭدا باس قوسىپ, كۇش سالىستىرۋىنا مۇمكىندىك بەرەدى, – دەيدى «قازمۇنايگاز» ءبو» اق باس ديرەكتورى ا.نۇرسەيىتوۆ. مۇناي-گاز كەشەنى قىزمەتكەرلەرىنىڭ كاسىبي مەرەكەسىنە جانە ماڭعىستاۋ وبلىسىنىڭ 40, اقتاۋ قالاسىنىڭ 50 جىلدىق مەرەيتويىنا ارنالىپ بەس كۇن بويى جالعاساتىن سپورت سايىسىندا مۇنايشىلار شاعىن فۋتبول, ارقان تارتۋ, ۆولەيبول, ءجۇزۋ, توعىزقۇ مالاق, ۇستەل تەننيسى, باسكەتبول, جەڭىل اتلەتيكالىق ەستافەتا, قازاقشا كۇرەستەن باق سىنايدى.
گۇلايىم شىنتەمىرقىزى,
«ەگەمەن قازاقستان».
