ەلىمىزدە قابىلدانعان «جۇمىسپەن قامتۋ-2020» باعدارلاماسىنىڭ قامقورلىعىنىڭ ارقاسىندا شاراپيدەن مەن لەيلا ابەلدينوۆتەردىڭ وتباسى قازىر اۋدان ورتالىعى تەرەڭكول اۋىلىندا تۇرادى. بالالى-شاعالى وتباسىندا 4 بالا ءوسىپ كەلەدى. ءبىز بۇدان بۇرىن دا جولساپارمەن جۇرگەن كەزدە وسى وتباسىنىڭ جاڭا ءۇي العان قۋانىشتارىنا ورتاق بولعانبىز.
ەلىمىزدە قابىلدانعان «جۇمىسپەن قامتۋ-2020» باعدارلاماسىنىڭ قامقورلىعىنىڭ ارقاسىندا شاراپيدەن مەن لەيلا ابەلدينوۆتەردىڭ وتباسى قازىر اۋدان ورتالىعى تەرەڭكول اۋىلىندا تۇرادى. بالالى-شاعالى وتباسىندا 4 بالا ءوسىپ كەلەدى. ءبىز بۇدان بۇرىن دا جولساپارمەن جۇرگەن كەزدە وسى وتباسىنىڭ جاڭا ءۇي العان قۋانىشتارىنا ورتاق بولعانبىز. ارنايى ماقالا جازباسا دا, اۋدان تۋرالى جالپىلاي جازىلعان ماقالادا جاڭا ءۇي الۋشىلاردىڭ قاتارىندا اتالعانى بار ەدى. ەندى گازەتتەن تاپسىرما كەلگەندە لەيلا مەن شاراپيدەننىڭ تانىس ەسىمدەرىن كورىپ, قۋانىپ قالدىق. ۇلكەن ۇلدارى ءاليحان بۇقاەۆ شارۋا قوجالىعىندا جۇمىس جاسايدى. الىبەك بولسا 3-توپتاعى مۇگەدەك, پەداگوگيكالىق كوللەدجدە دەنە شىنىقتىرۋ جانە سپورت ماماندىعى بويىنشا ءبىلىم الۋدا. ال, قىزدارى ماليكا مەن زارەما مەكتەپ وقۋشىلارى. قىزدارىمىز دا قۋانىشتى, ويتكەنى, العان ءۇيىمىز مەكتەپتىڭ ءدال جانىندا. وتكەن جىلى ناۋرىز ايىندا اۋدان ورتالىعىنان پاتەر كىلتىن الىپ, قاتتى قۋاندىق. بۇعان دەيىن شاعىن عانا اۋىلدا تۇردىق. جۇمىس بولا ما, بولماي ما, ىلعي دا كۇماندى كۇيدە ءجۇردىم. بالالار بولسا, ءوسىپ كەلەدى. اۋداندىق اكىمدىكتەن وسى باعدارلاماعا قاتىسۋ جونىندە ۇسىنىس تۇسكەندە, ىزدەگەنگە سۇراعان دەپ, ارينە, بىردەن كەلىسىم بەردىم. قازىر, مىنە, جول جوندەۋ بريگاداسىندا جۇمىس جاسايمىن. ايەلىم لەيلا بولسا ءۇي شارۋاسىندا. العان ءۇيىمىز تاماشا, بالالار دا, ءبىز دە وسىنداي جاڭا ۇيگە, جاقسى تۇرمىسقا قول جەتكىزەمىز, اۋدان ورتالىعىنىڭ وزىندە تۇرامىز دەپ ءتىپتى دە ويلاعان جوقپىز. بارا-بارا باۋ-باقشا, قورا-قوپسى سالىپ, تىرشىلىگىمىزدى ودان ارمەن جاقسى جاعدايعا جەتكىزەمىز, دەيدى شاراپيدەن ابەلدينوۆ بىزبەن اڭگىمەسىندە.
بۇل كۇندەرى ابەلدينوۆتەر وتباسى تەرەڭكول اۋىلىنداعى تاۋەلسىزدىك كوشەسىندەگى №54 ۇيدە تۇرادى. وتباسىنا باعدارلاما اياسىندا ءتيىستى الەۋمەتتىك كومەك كورسەتىلدى. قازىر شاراپيدەن تۇرعان اۋىلدا 63 ادام بار. «جۇمىسپەن قامتۋ-2020» باعدارلاماسى اياسىندا ەكى جىلدا اۋدان ورتالىعىنا بىزدەن باسقا 19 وتباسى كوشىرىلدى. سوندىقتان بارلىق جۇمىسقا قابىلەتى بار ادامدار جۇمىسپەن قامتۋ ورتالىعى ارقىلى جۇمىسقا تۇرۋعا نەمەسە كاسىبي وقۋعا, سول سياقتى قايتا دايارلاۋعا جانە بىلىكتىلىگىن ارتتىرۋعا مۇمكىنشىلىكتەرى بار, دەيدى اۋدان اكىم نۇرلان كۇلجان. ال جالپى, اۋداندا «جۇمىسپەن قامتۋ-2020» باعدارلاماسىنىڭ نەگىزىندە وتكەن جىلى 24 پاتەرلى ءۇيدىڭ قۇرىلىسى اياقتالسا, جۋىردا تاعى ءبىر 24 پاتەرلى ءۇيدىڭ كىلتى تۇرعىندار يگىلىگىنە تارتۋ ەتىلمەك.
فاريدا بىقاي,
«ەگەمەن قازاقستان».
پاۆلودار وبلىسى,
قاشىر اۋدانى.
