قازاقستان رەسپۋبليكاسى حالقىنىڭ قاۋىپسىزدىگىن قامتاماسىز ەتۋ ماقساتىندا قازاقستان رەسپۋبليكاسى كونستيتۋتسياسىنىڭ 44-بابىنىڭ 16) تارماقشاسىنا جانە «توتەنشە جاعداي تۋرالى» قازاقستان رەسپۋبليكاسى زاڭىنىڭ 4, 5, 6-باپتارىنا سايكەس قاۋلى ەتەمىن:
1. دۇنيەجۇزىلىك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەميا دەپ جاريالاۋىنا بايلانىستى ازاماتتاردىڭ ءومىرى مەن دەنساۋلىعىن قورعاۋ ماقساتىندا قازاقستان رەسپۋبليكاسىنىڭ بارلىق اۋماعىندا 2020 جىلعى 16 ناۋرىزداعى 08 ساعات 00 مينۋت پەن 2020 جىلعى 15 ساۋىردەگى 07 ساعات 00 مينۋت كەزەڭىندە توتەنشە جاعداي ەنگىزىلسىن.
2. توتەنشە جاعدايدىڭ كەزەڭىندە قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وسى جارلىققا قوسىمشاعا سايكەس قۇرامدا قۇرىلسىن جانە وعان «توتەنشە جاعداي تۋرالى» قازاقستان رەسپۋبليكاسىنىڭ زاڭىندا كوزدەلگەن وكىلەتتىكتەر بەرىلسىن.
3. توتەنشە جاعدايدىڭ كۇشىندە بولۋ كەزەڭىندە مىناداي شارالار جانە ۋاقىتشا شەكتەۋلەر ەنگىزىلسىن:
1) قوعامدىق ءتارتىپتىڭ ساقتالۋى, اسا ماڭىزدى مەملەكەتتىك جانە ستراتەگيالىق, ەرەكشە رەجيمدىك, رەجيمدىك جانە ەرەكشە قورعالاتىن وبەكتىلەردىڭ, سونداي-اق حالىقتىڭ تىنىس-تىرشىلىگىن جانە كولىك قىزمەتىنىڭ جۇمىس ىستەۋىن قامتاماسىز ەتەتىن وبەكتىلەردىڭ كۇزەتىلۋى كۇشەيتىلسىن;
2) ءىرى ساۋدا وبەكتىلەرىنىڭ جۇمىس ىستەۋىنە شەكتەۋ قويىلسىن;
3) ساۋدا ويىن-ساۋىق ورتالىقتارىنىڭ, كينوتەاترلاردىڭ, تەاترلاردىڭ, كورمەلەردىڭ جانە ادامدار كوپ جينالاتىن باسقا دا وبەكتىلەردىڭ قىزمەتىن توقتاتا تۇرسىن;
4) كارانتين ەنگىزسىن, سانيتاريالىق-ەپيدەمياعا قارسى اۋقىمدى ءىس-شارالاردى, ونىڭ ىشىندە قازاقستان رەسپۋبليكاسى قورعانىس مينيسترلىگىنىڭ جانە ىشكى ىستەر ورگاندارىنىڭ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن قۇرىلىمدىق بولىمشەلەرىنىڭ قاتىسۋىمەن جۇزەگە اسىرسىن;
5) ويىن-ساۋىق, سپورتتىق جانە باسقا دا بۇقارالىق ءىس-شارالاردى, سونداي-اق وتباسىلىق, سالت-ءداستۇر ءىس-شارالارىن وتكىزۋگە تىيىم سالىنسىن;
6) قازاقستان رەسپۋبليكاسىنىڭ جانە شەت مەملەكەتتەردىڭ ديپلوماتيالىق قىزمەتىنىڭ پەرسونالىن, سونداي-اق قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋىمەن قازاقستان رەسپۋبليكاسىنا كەلەتىن حالىقارالىق ۇيىمدار دەلەگاتسيالارىنىڭ مۇشەلەرىن قوسپاعاندا, قازاقستان رەسپۋبليكاسىنىڭ اۋماعىنا كولىكتىڭ بارلىق تۇرلەرىمەن كىرۋگە, سونداي-اق ونىڭ اۋماعىنان شىعۋعا شەكتەۋلەر بەلگىلەنسىن.
4. توتەنشە جاعداي رەجيمى كەزىندە قولدانىلاتىن شارالاردىڭ ىسكە اسىرىلۋىنا جاۋاپتى بولىپ قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا, قازاقستان رەسپۋبليكاسىنىڭ ىشكى ىستەر مينيسترلىگى, قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى, قازاقستان رەسپۋبليكاسىنىڭ قورعانىس مينيسترلىگى, قازاقستان رەسپۋبليكاسىنىڭ دەنساۋلىق ساقتاۋ مينيسترلىگى, قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى, قازاقستان رەسپۋبليكاسىنىڭ قارجى مينيسترلىگى, نۇر-سۇلتان, الماتى, شىمكەنت قالالارىنىڭ جانە وبلىستاردىڭ اكىمدەرى ايقىندالسىن.
5. قازاقستان رەسپۋبليكاسىنىڭ باس پروكۋرورى وسى جارلىقتا بەلگىلەنگەن شارالار مەن ۋاقىتشا شەكتەۋلەردى ىسكە اسىرۋ كەزىندە زاڭدىلىقتىڭ ساقتالۋىن قامتاماسىز ەتسىن.
6. قازاقستان رەسپۋبليكاسىنىڭ ۇكىمەتى:
1) توتەنشە جاعداي رەجيمىن قامتاماسىز ەتۋ ءۇشىن قازاقستان رەسپۋبليكاسىنىڭ ۇكىمەتى رەزەرۆىنەن قاجەتتى قاراجاتتاردى ءبولسىن;
2) مەديتسينالىق تەكسەرۋدەن جانە ەمدەلۋدەن, كارانتيندىك رەجيمدى ساقتاۋدان باس تارتاتىن, ەپيدەميولوگيالىق جاعدايدى ايقىنداۋ ءۇشىن ماڭىزى بار دەرەكتەردى جاسىراتىن ادامدارعا باقىلاۋ, سونداي-اق اتالعان ادامداردىڭ جاۋاپتىلىعىنىڭ شارالارى كۇشەيتىلسىن;
3) ورتالىق جانە جەرگىلىكتى مەملەكەتتىك ورگاندارمەن بىرلەسىپ, قازاقستان رەسپۋبليكاسىنىڭ اۋماعىندا COVID-19 كوروناۆيرۋسىنىڭ تارالۋىن بولدىرماۋ ماقساتىندا وسى جارلىقتى ىسكە اسىرۋ جونىندە وزگە دە شارالاردى قابىلداسىن.
7. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 15 ناۋرىز
№ 285
قازاقستان رەسپۋبليكاسى پرەزيدەنتىنىڭ
2020 جىلعى 15ناۋرىزداعى
№ 285 جارلىعىنا
قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قۇرامى
|
مامين اسقار ۇزاقباي ۇلى
|
|
|
قويشىباەۆ عالىمجان تەلمان ۇلى |
|
|
يسەكەشەۆ اسەت ورەنتاي ۇلى |
|
|
ءسمايىلوۆ اليحان اسحان ۇلى |
|
|
سكليار رومان ۆاسيلەۆيچ |
|
|
توعجانوۆ ەرالى لۇقپان ۇلى
|
|
|
مىرزالين مالىك كەڭەسباي ۇلى
|
|
|
نۇرداۋلەتوۆ عيزات داۋرەنبەك ۇلى
|
|
|
ماسىموۆ كارىم قاجىمقان ۇلى
|
|
|
شاكىروۆ اسقار ورازالى ۇلى |
|
|
بوجكو ۆلاديمير كارپوۆيچ |
|
|
قاسىموۆ قالمۇحانبەت نۇرمۇحانبەت ۇلى
|
|
|
ەرمەكباەۆ نۇرلان بايۇزاق ۇلى
|
|
|
تۇرعىمباەۆ ەرلان زامانبەك ۇلى
|
|
|
اباەۆ داۋرەن اسكەربەك ۇلى
|
|
|
بەكەتاەۆ مارات باقىتجان ۇلى
|
|
|
بىرتانوۆ ەلجان امانتاي ۇلى
|
|
|
نۇرىمبەتوۆ بىرجان بيدايبەك ۇلى
|
|
|
اتامقۇلوۆ بەيبىت باكىر ۇلى
|
|
|
سۇلتانوۆ باقىت تۇرلىحان ۇلى
|
|
|
تىلەۋبەردى مۇقتار بەسكەن ۇلى
|
|
|
دالەنوۆ رۋسلان ەربولات ۇلى
|
|
